Вы тут

З клопатам аб дзецях і пажылых


Акрамя таго, на мінулым тыдні сенатары праводзілі прыёмы грамадзян і вырашалі пытанні міжнароднага супрацоўніцтва.


Старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіл Русы правёў асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб у Савеце Рэспублікі. Да парламентарыя звярнуліся заяўнікі па пытаннях, якія датычацца аказання паслуг ЖКГ у садаводчым таварыстве «Палёт» Гомельскага раёна, тэрмінаў завяршэння будаўніцтва жылога дома ў мікрараёне Сокал, паляпшэння жыллёвых умоў для шматдзетнай сям’і, будаўніцтва дзіцячай пляцоўкі, добраўпарадкавання жылога дома і мясцовай дарогі і іншых. Міхаіл Русы даў неабходныя тлумачэнні грамадзянам, а мясцовым органам улады — адпаведныя даручэнні. Шэраг пытанняў узяты на кантроль.

Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірына Старавойтава ў рамках рэспубліканскай дабрачыннай акцыі «Нашы дзеці» наведала Дзіцячы дом № 5 Мінска. Парламентарый паўдзельнічала ў навагоднім паказе, павіншавала дзяцей са святамі, пажадала ім здароўя, міру, дабрабыту, а таксама падзякавала работнікам установы за стварэнне добрых умоў для выхаванцаў і ўручыла сертыфікат на набыццё мультыборда. Ірына Старавойтава наведала інтэрактыўную пляцоўку «Беларускі сувенір», падчас якой хлопцы і дзяўчаты расказалі аб нацыянальным беларускім свяце «Каляды» і прадэманстравалі выраб сувеніра ў тэхніцы папяровай пластыкі «Калядная каза». Цяпер у дзіцячым доме пражываюць 56 выхаванцаў, з іх — 23 чалавекі з асаблівасцямі псіхафізічнага развіцця, 12 дзяцей-інвалідаў.

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў сустрэўся з першым намеснікам адказнага сакратара Парламенцкага Сходу (ПС) Саюза Беларусі і Расіі Вольгай Петрашовай. У ходзе сустрэчы былі абмеркаваны пытанні ўдасканалення дзейнасці Сакратарыята ПС па планаванні, змястоўным напаўненні пасяджэнняў профільных камісій, пастаянна дзеючых семінараў і парламенцкіх слуханняў, падрыхтоўцы мадэльных законаў, распаўсюджванні гандлёва-эканамічнага парадку дня Саюзнай дзяржавы.

Член Пастаяннай камісіі Савета Рэспублікі па адукацыі, навуцы, культуры і сацыяльным развіцці, старшыня Гродзенскага абласнога аб’яднання прафсаюзаў Віктар Лісковіч у рамках акцыі «Ад усёй душы» наведаў сацыяльныя ўстановы Дзятлаўшчыны. Падчас знаходжання ў Казлоўшчынскім псіханеўралагічным доме-інтэрнаце для састарэлых і інвалідаў Віктар Лісковіч павіншаваў яго пажылых жыхароў з Новым годам і Калядамі, а тых, хто кожны дзень клапоціцца аб іх здароўі і дабрабыце, — з Днём сацыяльнага работніка. «Па ініцыятыве Прэзідэнта Беларусі Аляксандра Лукашэнкі ў навагоднім календары беларусаў з’явілася такая цёплая і добрая акцыя „Ад усёй душы“, у час якой мы можам удзяліць яшчэ больш увагі людзям шаноўнага ўзросту, павіншаваць іх са святамі, зрабіць прыемныя сюрпрызы», — адзначыў парламентарый. Ён уручыў кіраўніку ўстановы грашовы сертыфікат на суму 1000 рублёў на паляпшэнне матэрыяльна-тэхнічнай базы дома-інтэрната. Наступным пунктам маршруту дабрачыннай акцыі стала Казлоўшчынскае аддзяленне кругласутачнага знаходжання для грамадзян пажылога ўзросту і інвалідаў, дзе цяпер знаходзяцца 25 жыхароў, якія атрымліваюць дапамогу і клопат ад сацыяльных работнікаў. Сенатар адрасаваў пенсіянерам пажаданні дабра, утульнасці і моцнага здароўя, уручыў падарункі ад прафсаюзаў найстарэйшай жыхарцы Дзятлаўшчыны — 105-гадовай Юліі Гульнік, якая хутка адзначыць свой чарговы дзень нараджэння.

Вераніка КАНЮТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.