Вы тут

Члены Савета Рэспублікі разгледзелі законапраекты, адобраныя дэпутатамі Палаты прадстаўнікоў


Па словах старшыні Пастаяннай камісіі Савета Рэспублікі па міжнародных справах і нацыянальнай бяспецы Сяргея Рачкова, адабрэннем законапраекта «Аб далучэнні Рэспублікі Беларусь да міжнароднага дагавора і мерах па рэалізацыі міжнародных дагавораў у рамках Шанхайскай арганізацыі супрацоўніцтва» завяршаецца юрыдычнае і заканадаўчае афармленне далучэння нашай краіны да ШАС.


Фота БелТА

«Вельмі важны крок, і мы разлічваем, што ў пачатку наступнага года ўсе юрыдычныя і іншыя фармальнасці аб далучэнні Беларусі да ШАС будуць завершаны і наша краіна стане паўнапраўным членам гэтай дастаткова буйной рэгіянальнай арганізацыі, у якой вельмі добрыя перспектывы па ператварэнні яе ў глабальную міжнародную арганізацыю, — звярнуў увагу сенатар. — Уступленне і атрыманне паўнапраўнага статусу для Рэспублікі Беларусь выключна важна, бо адкрывае магчымасці перш за ўсё для развіцця гандлёва-эканамічнага, інвестыцыйнага супрацоўніцтва з краінамі, якія ўваходзяць у гэтую арганізацыю і фарміруюць вялізны рынак. Гэта значыць, размова ідзе аб вельмі сур’ёзных перспектывах для Беларусі па нарошчванні экспарту тавараў і паслуг на гэты рынак і на рынкі краін далёкай дугі. Ёсць і палітычны складнік, які ўмацуе міжнародны статус, міжнародны імідж Рэспублікі Беларусь і дазволіць ёй удзельнічаць у шматлікіх глабальных падзеях і мерапрыемствах, якія арганізуюцца ШАС».

Законапраект «Аб змяненні законаў па пытаннях рэкламы» прадставіў міністр антыманапольнага рэгулявання і гандлю Аляксей Багданаў. Па яго словах, навацыі звязаны з удасканаленнем прававога рэгулявання парадку ўзгаднення і размяшчэння вонкавай рэкламы, у тым ліку на транспартных сродках і помніках архітэктуры, дадатковымі паўнамоцтвамі Прэзідэнта па ўстанаўленні асаблівасцяў прававога рэгулявання адносін, якія ўзнікаюць пры вытворчасці і (або) размяшчэнні рэкламы. Канкрэтызуюцца патрабаванні да тэлевізійнай і радыёрэкламы, удакладняецца парадак па размяшчэнні рэкламы слабаалкагольных напояў, безалкагольнага піва і безалкагольных піўных напояў.

Як адзначыў член Пастаяннай камісіі Савета Рэспублікі па эканоміцы, бюджэце і фінансах Сяргей Анюхоўскі, заканадаўства па пытаннях рэкламы карэкціруецца з улікам існуючых рэалій. «У частцы вонкавай рэкламы больш паўнамоцтваў даецца мясцовым органам улады, — канкрэтызаваў ён. — Пэўныя абмежаванні будуць датычыцца інтэрнэт-рэкламы: размяшчэння аб’яў аб працаўладкаванні, вучобе, іншых пытанняў. Гэта планавая праца, звязаная з тым, што само жыццё мяняецца».

Такім чынам, найважнейшыя законапраекты, якімі рэгламентавана ўступленне нашай краіны ў Шанхайскую арганізацыю супрацоўніцтва, умацоўваецца супрацоўніцтва Беларусі з шэрагам краін, а таксама рэгулюецца рэкламная дзейнасць, за адзін дзень прайшлі чытанні ў абедзвюх палатах парламента. Неўзабаве яны паступяць на разгляд кіраўніку дзяржавы.

Вераніка КАНЮТА

Загаловак у газеце: Змяненні, прадыктаваныя сучаснымі рэаліямі

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».