Вы тут

Чаму вучыць дарослых


Кніга аглядальніка Выдавецкага дома «СБ. Беларусь сегодня» Андрэя Мукавозчыка «Адкрытыя ўрокі: чаму вучыць дарослых» з ілюстрацыямі мастака Алега Карповіча, якая нядаўна пабачыла свет у выдавецтве «Беларусь» стала свайго роду працягам папярэдняй — «Чаму вучыць дзяцей».


Зразумела, адкуль з’явілася яе назва — першы «адкрыты ўрок» для ўсёй краіны прайшоў 1 верасня 2022 года. Падзагаловак тлумачыць: «Чаму вучыць дарослых». Выданне павінна быць карысным для тых, хто ўжо ведае, чаму вучыць дзяцей, але спыняецца перад непад’ёмнай задачай навучання недавучаных у свой час дарослых.

«Хто дасць апору, пакажа, куды глядзець, падставіць плячо і дапаможа з абгрунтаваннем пазіцыі даросламу? Бацькам, актывісту, агітатару, ды таму ж настаўніку? З імі хто пагаворыць пра рэчы складаныя, не спрашчаючы мову, улічваючы складанасць праблемы? Я б, як кажуць, у агітатары пайшоў — але няхай мяне навучаць!

Так з’явілася задума кнігі “Адкрытыя ўрокі: чаму вучыць дарослых”. Потым ажыццявілася — вынік перад вамі. Спадзяюся, нейкія тэксты і тэзісы з гэтай кнігі чытачам спатрэбяцца ў жыцці», — звяртаецца да чытача аўтар.

Кніга адрасавана ў першую чаргу тым, каму даводзіцца вучыць іншых, апаніраваць нязгодным. Але пачытаць яе варта ўсім.


Беларусь памятае

У рамках рэспубліканскага круглага стала «Гістарычны шлях Савецкай Беларусі», які праходзіў у Інстытуце гісторыі Нацыянальнай акадэміі навук Беларусі, адбылася прэзентацыя кнігі серыі «Беларусь памятае: у імя жыцця і міру» «Вярхоўны Савет БССР першага склікання (1938–1947)», якая выйшла ў выдавецтве «Беларусь».


Кніга прысвечана 85-годдзю з дня стварэння Вярхоўнага Савета БССР і падрыхтавана супрацоўнікамі Інстытута гісторыі НАН Беларусі. У выданні разглядаецца гісторыя фармавання канстытуцыйных асноў беларускай дзяржаўнасці ў рамках узнікнення і дзейнасці Вярхоўнага Савета БССР першага склікання (1938–1947) у мірны даваенны час, у гады Вялікай Айчыннай вайны і цяжкія першыя пасляваенныя гады. Кніга знаёміць чытачоў з жыццём і дзейнасцю выбітных людзей, якія сталі дэпутатамі Вярхоўнага Савета. Выданне ўключае шматлікія фатаграфіі, фотакопіі архіўных дакументаў, перыядычнага друку. Дэпутатам, якія загінулі ці прапалі без вестак у гады вайны прысвечаны асобная частка. Кніга выдадзена тыражом 800 асобнікаў на рускай, беларускай і англійскай мовах.

Фота Кастуся Дробава

Праект створаны пры фінансавай падтрымцы ў адпаведнасці з Указам Прэзідэнта № 131 ад 31 сакавіка 2022 года.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?