Вы тут

У «Звяздзе» падсумавалі кнігавыдавецкі плён


Болей 120 тысяч экзэмпляраў — гэтулькі кніг пабачылі свет у Выдавецкім доме «Звязда» у 2023 годзе. Калі быць дакладнымі — агульны тыраж склаў 120 147 экз. Гэта — 86 кніг, большая частка з якіх складае сацыяльна значную літаратуру, выдадзеную ў межах дзяржаўнага заказа. 


Найбольшы тыраж у «Зборніка твораў для дадатковага чытання ў VI класе», які пабачыў свет у серыі «Школьная бібліятэка», — 23 119 экзэмпляраў. 

Істотнае месца ў кнігавыдавецкай працы «Звязды» займае дзіцячая літаратура. У 2023 годзе пабачылі свет кнігі Кацярыны Хадасевіч-Лісавой «Новыя прыгоды лісачкі Красуні», «Палёт на Вухуцію», «Па чырвоных стрэлках...», а таксама «Беларускія народныя казкі ў апрацоўцы Якуба Коласа», Якуба Коласа «Каляды», Іны Фраловай «Дзе была, сарока?», Генадзя Аўласенкі «Як сем сыноў лесніка чорта перахітрылі», Ірыны Карнаухавай «Дверной дом», Таццяны Дземідовіч «Мармеладное лето», Валерыя Кастручына «Чудо-ягода», Міколы Чарняўскага «Дзе ўзяць красоўкі для Слана?», хрэстаматыя для малодшых школьнікаў «Верасок» (укладальнік — Іна Фралова) і інш. 

Кнігі «Звязды», адрасаваныя юным чытачам, можна знайсці ва ўсіх кнігарнях ААТ «Белкніга» у розных вялікіх і малых гарадах, гарадскіх пасёлках краіны, а таксама ў іншых сетках кніжнага гандлю ў Беларусі — у кнігарні «Акадэмкніга» у Мінску, на розных кнігагандлёвых інтэрнэт-рэсурсах. 

Даволі часта дзіцячая літаратура «Звязды» прэзентуецца на розных фестывальных пляцоўках — на традыцыйным гарадскім кніжным фестывалі ў Мінску «У гасцях у Францыска Скарыны», у Дзяржаўным літаратурна-мемарыялоьным музеі Якуба Коласа — на кніжным фестывалі «Міхасёвы прыгоды», у Гродна, Брэсце, Гомелі, Карэлічах, Баранавічах, Беразіно, Асіповічах і іншых кніжных, асветніцкіх мясцінах Беларусі. 

Сяргей ШЫЧКО

Прэв'ю: pixabay.com

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?