Вы тут

Навагодняя дабрачынная акцыя «Нашы дзеці» стартавала на «Мінск-Арэне»


15 снежня на канькабежным стадыёне шматпрофільнага спартыўна-культурнага комплексу «Мінск-Арэна» стартавала гарадская навагодняя дабрачынная акцыя «Нашы дзеці». На свята запрасілі больш за дзве тысячы юных мінчан. Дзяцей прывітаў старшыня Мінгарвыканкама Уладзімір Кухараў.


— Новы год — гэта такое свята, якое яднае і дзяцей, і дарослых. Гэта час чараўніцтва, добрых спраў, выканання жаданняў. Ужо больш за 25 гадоў у Беларусі праходзіць дабрачынная акцыя «Нашы дзеці». Традыцыйна ў дні навагодніх святаў прадстаўнікі дзяржаўных структур, дэпутаты наведваюць дзіцячыя дамы-інтэрнаты, сацыяльныя прытулкі, прыёмныя, апякунскія шматдзетныя сем’і акружаюць маленькіх беларусаў клопатам. У кожнага дзіцяці павінна быць свята, — адзначыў Уладзімір Кухараў.

Уладзімір Кухараў пажадаў юным мінчанам здароўя, поспехаў, радасці ў Новым годзе і звонам срэбнага званочка разам з маленькімі ўдзельнікамі прадстаўлення даў старт навагодняй гарадской акцыі «Нашы дзеці».

Па сюжэце тэатралізаванага прадстаўлення «Казка пра навагодні час» цёмныя сілы хацелі павярнуць час назад і адмяніць Новы год. Але добрыя чараўнікі — Казачнік, Фея снежных аблокаў і, вядома ж, Дзед Мароз са Снягуркай не дазволілі гэтаму здарыцца. Безумоўна, свята не абышлося без запальных танцаў, прачулых песень і чаканых падарункаў.

Кацярына УРБАН

Фота аўтара

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.