Вы тут

Аляксандр Лукашэнка: Нам не патрэбны турыстычныя паездкі, нам патрэбны рашэнні канкрэтных пытанняў


Пачатак снежня ў графіку Прэзідэнта Беларусі Аляксандра Лукашэнкі быў поўнасцю прысвечаны міжнароднаму супрацоўніцтву. Беларускі лідар наведаў Аб’яднаныя Арабскія Эміраты, Кітайскую Народную Рэспубліку, Экватарыяльную Гвінею і Кенію. Фактычна геаграфія візітаў расцягнулася ад Ціхага да Атлантычнага акіяна. Вынікі гэтых паездак і задачы, якія яны паставілі перад беларускім бокам, разгледзелі на нарадзе ў кіраўніка дзяржавы. 


«Хацеў бы абмеркаваць вынікі нашых камандзіровак — урадавай дэлегацыі і маіх — па дальняй дузе. Думаю, што і ў людзей, і ў вас сёння не павінна ўзнікаць пытанняў, што такое дальняя дуга», — акрэсліў тэму нарады Аляксандр Лукашэнка. Па словах Прэзідэнта, нядаўнія камандзіроўкі яго самога і ўрадавай дэлегацыі акрэслілі гэтую дальную дугу, па якой трэба працаваць. Аляксандр Лукашэнка абазначыў, што ў блізкую дугу ўваходзяць краіны-удзельніцы Садружнасці Незалежных Дзяржаў. «Расія і КНР — дзве дзяржавы, з якімі мы маем найбольш развітыя адносіны, — гэта асобная гісторыя. Вы ведаеце, што прыняты і рэалізуюцца адпаведныя рашэнні Прэзідэнта асобна па гэтых дзяржавах. А далёкая дуга — вось яна абазначана. Паўночней, паўднёвей размешчаны дзяржавы, якія нас вельмі цікавяць», — падкрэсліў ён.

Асобным пытаннем, на якое пакуль не знаходзіцца прынцыповае рашэнне, кіраўнік дзяржавы назваў супрацоўніцтва з Індыяй. Ён нагадаў, што ў свой час колішні міністр замежных спраў Уладзімір Макей пачынаў прынцыпова займацца гэтым пытаннем. «Думаю, што цяперашні міністр замежных спраў унясе свае прапановы ў бліжэйшы час. Не пазней першага квартала будучага года — план работы з Індыяй. Менавіта план, як мы гэта рабілі ў Афрыцы з Экватарыяльнай Гвінеяй. Нам не патрэбны турыстычныя паездкі, нам патрэбны рашэнні канкрэтных пытанняў», — заявіў Аляксандр Лукашэнка. 

Вялікую ўвагу ўдзельнікі нарады ўдзялілі краінам Афрыканскага кантынента. «Я хачу ўсіх папярэдзіць. Віцэ-прэм’ераў я запрасіў, хаця яны і не былі пагружаныя ў дэталі гэтых падрыхтоўчых візітаў нашых спецыялістаў, міністраў. Яны ведаюць гэта. Я вас запрасіў для таго, каб вы ўзялі на асаблівы кантроль вынікі гэтых камандзіровак. — сказаў Прэзідэнт. — З Экватарыяльнай Гвінеяй мы працавалі па-новаму. Усё пад маім найжорсткім кантролем. Там пабываў міністр замежных спраў, усталяваў кантакты з гэтай дзяржавай. Там спецыялісты працавалі. І міністры напярэдадні майго візіту, наведаўшы гэтую краіну, выпрацавалі асноўныя напрамкі (іх 15) нашай работы з Экватарыяльнай Гвінеяй і 74 канкрэтныя праекты, якія мы дамовіліся ажыццявіць з нашымі сябрамі ў Экватарыяльнай Гвінеі. Іх трэба рэалізаваць. Я катэгарычна на гэтым настойваю і папярэджваю», — сказаў кіраўнік дзяржавы. Ён даручыў памочніку Прэзідэнта Аляксандру Косінцу ўзяць на кантроль у Адміністрацыі Прэзідэнта рэалізацыю дамоўленасцей у рабоце з Экватарыяльнай Гвінеяй і Кеніяй. «Гэта тут у Адміністрацыяй Прэзідэнта павінна быць на кантролі, каб не было, як у нас часам бывае, што мы праводзім рэвізію нашых адносін з тымі ці іншымі дзяржавамі, нешта выключаем, нешта дадаем. Мы дамовіліся — і нам трэба рэалізоўваць гэтыя праекты, — паставіў задачу Аляксандр Лукашэнка. — Я шчыра падкрэсліў там, што гэта не дабрачынная дапамога. Мы не Амерыка, якая друкуе грошы. Мы не Кітай, у якога вялізная колькасць рэзерваў. І нават не Расія. Мы павінны дамаўляцца, за грошы выключна добрасумленна працаваць. Там вельмі добрая перспектыва. Там патрэбна ўсё, што мы умеем рабіць».

Супрацоўніцтва Беларусі з Кеніяй будзе на асаблівым кантролі Віктара Шэймана.«Я вам ужо гаварыў у час палёту: вазьміце і займайцеся Афрыкай, як калісьці вы пачыналі. Яна павінна быць пад кантролем у вас як спецыяльнага пасланніка Прэзідэнта. Па Кеніі вы ведаеце пытанні, па якім нас папрасіў Прэзідэнт дапамагчы ім: тры глабальныя выгадныя для нас пытанні. Ну і іншыя. Таму Афрыка і Кенія асобна — гэта ваша пытанне. Афрыканскі кантынент. Вы пачыналі там, вы за яго адказваеце», — звярнуўся да яго Аляксандр Лукашэнка.

Прэзідэнт заявіў, што за супрацоўніцтва з Кітайскай Народнай Рэспублікай асабістую і персанальную адказнасць нясе віцэ-прэм’ер Мікалай Снапкоў, які разам з кіраўніком МЗС прысустнічаў на перагаворах беларускага і кітайскага лідараў. «Не» — не было чуваць такога слова. На ўсе пытанні, якія мы паставілі перад Старшынёй КНР Сі Цзіньпінам, атрымалі адзін адказ: «Так, мы гатовы паглыбляцца, давайце па-сяброўску працаваць». Гэты візіт быў вельмі прадуктыўным і карысным для нашай краіны. Не хачу вам расказваць, што такое Кітай. Кітай — гэта будучыня усёй планеты. І тое, што ў нас з імі добрыя адносіны — гэта наш плюс, наша дасягненне», — сказаў Прэзідэнт. 

Кажучы пра супрацоўніцтва з Аб’яднанымі Арабскімі Эміратамі, беларускі лідар заўважыў, што яны працуюць з беларускім бокам па асобных пытаннях. І нідзе няма тармажэння, ніхто не крыўдзіўся. «Мы дамаўляліся, што магчыма, (у іх вельмі вялікі інтарэс), мы можам разам працаваць у Афрыцы. Там вялікі кавалак работы для Эміратаў. Маю на ўвазе іх уплыў у свеце і тыя фінансавыя рэсурсы, якія ў іх ёсць. Таму, калі ў іх будзе інтарэс па асобных пфтанняз працы — мы гатовыя іх пакдключаць», — сказаў кіраўнік дзяржавы. 

Ён падкрэсліў, што ўсе пытанні супрацоўніцтва з іншымі краінамі павінны быць сканцэнтраваны ў міністэрстве замежных спраў. «Паглядзім, як новы міністр замежных спраў справіцца з гэтымі пытаннямі. Гэта вялізная колькасць пытанняў», — сказаў Аляксандр Лукашэнка. Ён папярэдзіў урад і міністраў, што пры рэалізацыі дамоўленасцей з замежнымі партнёрамі не павінна быць ніякага тармажэння, а ўвесь комплекс пытанняў, звязаных з міжнародным супрацоўніцтвам, павінен быць рэалізаваны. 

Валерыя СЦЯЦКО

Фота: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.