Вы тут

Лёс уладальнікаў «Фактар.by» вызначаць гледачы


8 снежня вечарам на тэлеканале «Беларусь 1» стартуе паказ вялікіх канцэртаў са сцэны маштабнага шоу, дзе распачынаецца этап прамых эфіраў. І цяпер лёс 12 фіналістаў музычнага праекта краіны ў руках тэлеаўдыторыі. Па-ранейшаму падтрымаць сваіх фаварытаў зможам праз тэлефоннае галасаванне.


 pexels.com

На працягу сямі тыдняў зорныя настаўнікі «Фактар.by» ацэньвалі вакальныя даныя канкурсантаў, шукаючы ў кожным той самы запаветны складнік сапраўднага артыста. Самыя харызматычныя і смелыя выканаўцы з Беларусі і іншых краін спрабавалі пакарыць сэрцы і слых знакамітых суддзяў. У барацьбе за права заняць месца ў камандзе не абышлося без слёз, страты голасу і разбітых надзей.

А наперадзе ўдзельнікаў чакае восем жывых і непрадказальных канцэртаў, вынік кожнага з якіх будзе вызначаць тэлеаўдыторыя. Каб раскрыць індывідуальнасць фіналістаў, вопытныя харэографы паставілі кожнаму ўдзельніку ўнікальны нумар, а педагогі папрацавалі з іх вакальнымі і артыстычнымі данымі. Вядома, не абыдзецца і без прысутнасці спецыяльных гасцей, вядомых артыстаў, на праекце. Таму рыхтуйцеся адкрываць для сябе новыя імёны «Фактар.by» і аддаваць ім свае сэрцы і галасы. Нагадаем, у камандзе Іосіфа Прыгожына змагацца будуць Алена Фрэйман, Элен Бадалян, Інга Гурэева. З Вольгай Бузавай да перамогі пойдуць Анастасія Малашкевіч, Алена Тоўсцік, Аляксей Будзько. У каманду Сярогі трапілі Юрый Аляхно, Данііл Савеня, Ваган Мінасян. А ў кампаніі Руслана Аляхно канкурэнцыю складуць Маргарыта Шыбаева, Ліяна Гумарава і дуэт Nuage.

Глядзіце першы прамы эфір на тэлеканале «Беларусь 1» 8 снежня ў 20.45, а адразу пасля выступленняў фіналістаў галасуйце за сваіх фаварытаў. Калі ж хочаце больш даведацца пра іх, то шукайце інфармацыю ў сацыяльных сетках праекта, у сюжэтах карэспандэнтаў Агенцтва тэленавін і ў праграме «Добрай раніцы, Беларусь!».

Алена ДРАПКО

Выбар рэдакцыі

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.

Сям'я і дэмаграфія

Надзея Ластоўская: Калі ты багацейшы, дапамажы іншаму

Надзея Ластоўская: Калі ты багацейшы, дапамажы іншаму

Якія прынцыпы закладвае ў выхаванне сваіх дзяцей лаўрэат рэспубліканскага конкурсу «Жанчына года»?

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.