Вы тут

Паэт Фёдар Цютчаў — спявак славянскага адзінства


5 снежня ў Доме дружбы на вуліцы Захарава г. Мінска адбылося мерапрыемства, прысвечанае 220-й гадавіне з дня нараджэння рускага паэта і мысліцеля XIX стагоддзя Фёдара Цютчава.


Ва ўтульнай зале сабраліся дыпламатычныя работнікі, члены Саюза пісьменнікаў Беларусі і Беларускага таварыства дружбы і культурнай сувязі з замежнымі краінамі, выкладчыкі і студэнты сталічных вышэйшых навучальных устаноў, аматары паэзіі.

Вядучы — старшыня Мінскага гарадскога аддзялення Саюза пісьменнікаў Беларусі паэт, празаік Міхась Пазнякоў адкрыў мерапрыемства.

Са словамі прывітання да прысутных звярнулася трэці сакратар пасольства Расійскай Федэрацыі ў Рэспубліцы Беларусь Марына Ягорава.

Увесь вечар гучалі вершы і песні класіка на рускай і беларускіх мовах у выкананні паэтаў і празаікаў Тамары Кавальчук, Ірыны Тулупавай, Івана Карэнды, старшага выкладчыка Беларускага дзяржаўнага ўніверсітэта культуры і мастацтваў Аляксандра Валадчанкі, студэнтаў Беларускага дзяржаўнага эканамічнага ўніверсітэта, артыстаў тэатра-студыі «акцёр».

— У гісторыі сусветнай мастацкай літаратуры ёсць паэты, творы якіх сталі неацэнным здабыткам літаратурнага працэсу толькі праз значны прамежак часу пасля іх стварэння або апублікавання. У беларускай літаратуры да такіх творцаў можна аднесці класіка нацыянальнай літаратуры Максіма Багдановіча, паэта-наватара, паэта-энцыклапедыста, які падняў наша мастацкае слова на якасна новы, еўрапейскі ўзровень. У рускай літаратуры – гэта перш за ўсё Фёдар Цютчаў, — адзначыў у сваім выступленні Міхаіл Пазнякоў. — Сёння Фёдар Цютчаў дораг нам і як філосаф, як спявак яднання славянскіх народаў і дзяржаў, як прыхільнік праваслаўя, у якім ён празорліва ўбачыў выратаванне перад пагрозай фанабару, ганарыстасці, свавольства, гегеманізму...

Віктар ІВАНЧЫКАЎ

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?