Вы тут

Навацыі для інвестараў, развіццё прававой культуры і задачы для моладзі


Старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец прыняла ўдзел у пашыраным пасяджэнні Пастаяннай камісіі Палаты прадстаўнікоў па эканамічнай палітыцы, на якім разглядаліся законапраекты «Аб змене Закона Рэспублікі Беларусь «Аб інвестыцыях» і «Аб змене законаў» (па пытаннях неплацежаздольнасці). «Удасканаленне заканадаўства ў сферы інвестыцый — адна з ключавых задач урада і парламента, паколькі прававыя ўмовы непасрэдна ўплываюць на інвестыцыйную прывабнасць нашай юрысдыкцыі, збалансаванасць рынку працы ў галінах, умацаванне вытворчага патэнцыялу рэгіёнаў», — адзначыла Таццяна Рунец. На пасяджэнні абмяркоўваліся нормы законапраекта, накіраваныя на стварэнне дадатковых умоў для абароны правоў інвестараў. Сенатар падкрэсліла, што кіраўнік дзяржавы паставіў задачу — распрацаваць адзіны дакумент, зразумелы інвестарам. «У сувязі з гэтым па выніках абмеркавання праекта закона на экспертным савеце пры Савеце Рэспублікі дадаткова прапануецца вызначыць дакладныя крытэрыі, якім павінен адпавядаць праект для заключэння інвестыцыйнага дагавора і ўключэння ў пералік прэферэнцыйных інвестыцыйных праектаў, а таксама ўмовы для адмовы ў заключэнні інвестыцыйнага дагавора», — адзначыла парламентарый.


Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец прыняў удзел у Форуме Саюза юрыстаў «Права ў сучасным свеце». Гэта першая найбуйнейшая пляцоўка для дыялогу паміж прадстаўнікамі юрыдычнай, прадпрымальніцкай, палітычнай і праваахоўнай супольнасцяў па пытаннях права ў інтарэсах грамадзян, бізнесу, удасканалення правапрымяняльнай практыкі, прасоўвання заканадаўчых ініцыятыў у мэтах развіцця прававой культуры і рэгулявання сацыяльна-эканамічнай сферы ў сучасных умовах. Ключавая мэта форуму — стварэнне платформы для абмеркавання актуальных пытанняў, звязаных з юрыдычнай практыкай, а таксама павышэнне прафесійнага ўзроўню яго ўдзельнікаў. У мерапрыемстве прынялі ўдзел каля 700 чалавек: прадстаўнікі дзяржаўных органаў і арганізацый, судзейскага корпуса, навуковай супольнасці, бізнес-структур, грамадскіх аб’яднанняў, выкладчыкі і навучэнцы юрыдычных факультэтаў ВНУ. Сяргей Сівец выступіў спікерам на секцыі «Народаўладдзе як найвышэйшая форма ўдзелу грамадзян у кіраванні справамі дзяржавы. Прававыя традыцыі і сучаснасць».


Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірына Старавойтава прыняла ўдзел у пасяджэнні Нацыянальнага савета па гендарнай палітыцы пры Савеце Міністраў. Пасяджэнне прайшло ў фармаце дыялогавай пляцоўкі са студэнцкай моладдзю «Моладзь за роўныя правы і магчымасці!» на базе Беларускага дзяржаўнага медыцынскага ўніверсітэта. У ходзе пасяджэння абмяркоўваліся пытанні фарміравання ў моладзі навыкаў клопату аб уласным псіхічным і фізічным здароўі, падрыхтоўкі маладых людзей да сямейнага жыцця і адказнага бацькоўства.

Вераніка КАНЮТА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».