Вы тут

«Кніжныя гарызонты» пашырае Беразіно


Фестываль беларускай кнігі «Кніжныя гарызонты» прайшоў у Беразіно, на Міншчыне. Арганізатар — Бярэзінская цэнтральная раённая бібліятэка.


На кніжны фэст у раённы цэнтр на мінска-магілёўскім памежжы прыехала прадстаўнічая дэлегацыя Саюза пісьменнікаў Беларусі і Выдавецкага дома «Звязда». Старшыня СПБ Алесь Карлюкевіч, намеснік галоўнага рэдактара часопіса «Алеся» празаік і публіцыст Алена Брава, дзіцячыя пісьменнікі Ірына Карнаухава, Іна Фралова не толькі расказвалі пра сваю ўласную творчасць, а ўвогуле дзяліліся развагамі пра развіццё мастацкай літаратуры ў краіне, пра стан айчыннага кнігавыдання, пра стасункі пісьменніка з чытачом.

Пісьменнікі не толькі выступілі перад асобнымі чытацкімі аўдыторыямі, але і прынялі ўдзел у круглым стале «Сучасная беларуская кніга: прыярытэты кнігавыдання і прапаганды». Іна Фралова расказала пра свой вопыт стварэння чытанкі для малодшых школьнікаў «Верасок», якая, несумненна, прыцягне ўвагу і юных чытачоў, і настаўнікаў, і, зразумела, бібліятэкараў, якія працуюць з дзецьмі. Ірына Карнаухава, якая ў апошні час выдала цэлы шэраг кніг для школьнікаў, падлеткаў, звярнула ўвагу на тое, якой павінна быць кніга, адрасаваная хлопчыкам і дзяўчынкам.

Госці фестываля пазнаёміліся з выстаўкай кніг сучасных беларускіх аўтараў «Суквецце талентаў — суквецце імёнаў», якая была разгорнута ў адной з прасторных залаў Бярэзінскай бібліятэкі.

Сяргей ШЫЧКО

Прэв'ю: pexels.com

Выбар рэдакцыі

Грамадства

24 лютага 1944 Рагачоўшчына была вызвалена ад нямецка-фашысцкіх захопнікаў

24 лютага 1944 Рагачоўшчына была вызвалена ад нямецка-фашысцкіх захопнікаў

Подзвіг байцоў Рагачоўска-Жлобінскай наступальнай аперацыі.

Здароўе

Падхапіць гепатыт А нескладана. Як засцерагчыся?

Падхапіць гепатыт А нескладана. Як засцерагчыся?

Паразмаўлялі з урачом-эпідэміёлагам Мінскага абласнога цэнтра гігіены, эпідэміялогіі і грамадскага здароўя Алінай Емашовай.