Вы тут

Іван Крупко правёў прамую тэлефонную лінію і прыём грамадзян у Карме


З падзякай за ўвагу да іх раёна і з прапановай сумеснага ажыццяўлення чарговай ініцыятывы звярнулася на прамую тэлефонную лінію старшыні Гомельскага аблвыканкама жыхарка гарпасёлка Карма. 


Ветэрану педагагічнай працы, Людміле Пятроўне 71 год. Жанчына — за здаровы лад жыцця, яна заўзятая наведвальніца трэнажорнай залы ў райцэнтры.

— Дзякуй Вам за ўвагу да нашага раёна, асобна — за рэканструкцыю аздараўленчага комплексу, басейна, — падзякавала кіраўніку рэгіёна жыхарка Кармы. Як распавяла жанчына, усе яе пяцёра дзяцей і сямёра ўнукаў ходзяць у мясцовы басейн.

Між тым ветэран працы звярнулася да губернатара з просьбай: дапамагчы з ачысткай рэчышча ракі Кармянка. Каля вадаёма змогуць адпачываць сем’і з дзецьмі, моладзь. Заяўніца падзялілася, што многія жыхары іх гарпасёлка з радасцю пагадзяцца дапамагчы навесці парадак на беразе вадаёма, добраўпарадкаваць тэрыторыю. 

Як падкрэсліў кіраўнік рэгіёна, сацыяльна значную інфраструктуру Кармы ўвогуле цяпер чакаюць значныя пераўтварэнні. Адзін з чаканых аб’ектаў — вялікая спартыўная пляцоўка для жыхароў усіх узростаў, якая будзе адкрыта ў гарпасёлку.

— У Карме ёсць шмат задач. У наступным годзе праводзім у вас «Дажынкі». Трэба адрамантаваць некалькі дзясяткаў дамоў, вуліцы, сацыяльныя і спартыўныя аб’екты. Цяпер распрацоўваем праграму мадэрнізацыі. Не абяцаю адразу, але паглядзім, што можна зрабіць па вашым пытанні, — запэўніў старшыня аблвыканкама. 

На прыём да губернатара звярнулася і жыхарка Чачэрскага раёна. Клопат жанчыны і яе мужа — праблема з працаўладканнем. Як патлумачыла заяўніца: працавалі ў гаспадарцы, але разам звольніліся па ўласным жаданні. Цяпер хочуць аднавіцца на ранейшай працы, але ўзніклі складанасці. Сям’і прапануюць варыянты працаўладкавання — пераканалі заяўніцу падчас прыёму губернатара. 

З просьбамі разабрацца ў набалелых пытаннях да кіраўніка рэгіёна таксама звярнуліся жыхары Рагачова, Гомеля, Кармянскага раёна. Былі агучаны звароты па прадаўжэнні ліста непрацаздольнасці, налічэння пенсіі па інваліднасці, а таксама па безбар’ерным асяроддзі. 
Жыхарка Рагачова ўзняла пытання забеспячэння медыцынскімі артапедычнымі прыладамі, для тых, хто мае ў іх патрэбу па стане здароўя. 

— Чарга на індывідуальны пашыў гарсэта сем месяцаў, таму што швачка ў спецпрадпрыемстве «Пратэзіст» адна, з аб’ёмам не спраўляецца. Трэба было б пашырыць штат працаўнікоў, — папрасіла разгледзіць такую магчымасць заяўніца.

Агучаны зварот губернатар узяў на кантроль. Між тым па кожным звароце, прынятым падчас прамой тэлефоннай лініі і прыёму грамадзян, кіраўнік рэгіёна даў канкрэтныя даручэнні разабрацца адказным спецыялістам. 

Наталля КАПРЫЛЕНКА 

Фота ТК «Гомельшчына афіцыйна»

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.