Вы тут

На паседжанні Савета Міністраў падвялі вынікі работы эканомікі за дзевяць месяцаў гэтага года


«За студзень — верасень 2023-га ВУП вырас на 3,5 працэнта ў выніку захавання аднаўленчай дынамікі ў асноўных галінах, у верасні (у гадавым выяўленні) — на 6,2 працэнта. Усе рэгіёны ўнеслі станоўчы ўклад у прырост ВУП. Драйверам застаецца Мінская вобласць», — паведаміў на паседжанні Саўміна прэм’ер-міністр Раман Галоўчанка.


Найважнейшы якасны паказчык — рэальныя наяўныя даходы насельніцтва — павялічыўся за студзень — жнівень на 5,1 працэнта. Акрамя таго, у верасні выйшлі на ўзровень заработнай платы ў 1940 рублёў (рост у рэальным выяўленні — на 10,1%). Паступальна вырашаецца задача павышэння ўзроўню даходаў у бюджэтнай сферы.

«У знешнім гандлі захоўваецца збалансаванасць. Прынятыя сумесна з Нацыянальным банкам меры далі магчымасць захаваць у прымальных параметрах узровень інфляцыі — 104,3 працэнта да снежня мінулага года», — адзначыў прэм’ер-міністр.

Перад пасяджэннем Саўміна падрабязна аб выніках работы за справаздачны перыяд расказалі міністр эканомікі і міністр фінансаў.

Паводле слоў міністра эканомікі Аляксандра Чарвякова, эканоміка развіваецца ўстойліва, мэта па росце ВУП на 3,8 працэнта па выніках года будзе дасягнута. «З пачатку года мы рэалізуем мэтавы план, і тыя рашэнні, якія прыняў урад па актывізацыі работы сектараў эканомікі, даюць свае вынікі. Ужо сёння вядомы папярэднія вынікі па 10 месяцах. Мы з апярэджаннем дасягнулі ўзроўню ВУП, які адпавядае планавай задачы па году — 103, 8 працэнтаў — гэта было зроблена за кошт мабілізацыі рэзерваў у сектарах эканомікі — у прамысловасці, сельскай гаспадарцы. Рэзервы ёсць і ў гандлі, у будаўніцтве. Сёння аднаўляюцца практычна ўсе сектары, мы поўнасцю кампенсавалі страты на знешніх рынках, у нас даволі добры тэмп росту заработнай. платы, даходаў насельніцтва, узровень інфляцыі», — сказаў Аляксандр Чарвякоў.

Ён падкрэсліў, што ў цэлым эканоміка развіваецца стабільна, устойліва. «З улікам вынікаў 10 месяцаў мы захаваем дасягнуты ўзровень і выканаем тую задачу, якую перад намі паставіў кіраўнік дзяржавы — выхад на тэмп росту ВУП 103,8 працэнта» , - адзначыў міністр.

Ён таксама закрануў тэму знешняга гандлю. «Працуем над павелічэннем фізічных аб’ёмаў экспарту, па выніках 9 месяцаў тэмп росту — 127 працэнтаў. Гэта значыць, мы паставілі на 27 працэнтаў больш прадукцыі ў фізічных аб’ёмах. Але гэта часткова нівеліруецца цэнавым фактарам, — звярнуў увагу Аляксандр Чарвякоў. — Сальда знешняга гандлю таварамі і паслугамі ў нас дадатнае. Што датычыцца менавіта знешняга гандлю таварамі, у верасні ўпершыню з пачатку года сальда склалася дадатнае. Гэта значыць, што механізмы, якія мы прымяняем для нарошчвання экспартных паставак, спрацоўваюць».

Міністр фінансаў Юрый Селівёрстаў расказаў журналістам аб выкананні бюджэту ў 2023 годзе. «За 9 месяцаў выкананне рэспубліканскага бюджэту — каля 77 працэнтаў, мясцовых — каля 73 працэнтаў. Прафіцыт кансалідаванага бюджэту — дзесьці 1,5 млрд рублёў. Гэта тэндэнцыя захоўваецца. Мы думаем, што гадавы план па даходах рэспубліканскага бюджэту ў лістападзе выканаем датэрмінова. Што датычыцца мясцовых, яны ідуць у планавых лічбах, да канца года ўсё запланаванае будзе выканана. Па выніках года ў нас планаваўся дэфіцыт, але думаю, што мы будзем у межах нулявых значэнняў», — сказаў Юрый Селівёрстаў.

Паводле яго слоў, у адносінах да росту зарплат усё ідзе па графіку. «Усе рашэнні прымаліся. Ужо нават прынята рашэнне па базавай стаўцы з 1 студзеня ў памеры 250 рублёў. Так што тут ніякіх праблем у нас няма», — падкрэсліў міністр.

Паводле БелТА

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.