Вы тут

Акцыя «За бяспеку разам» дапамагае грамадзянам прывесці жыллё ў пажарабяспечны стан


Тэма пажарнай бяспекі становіцца асабліва актуальнай з пачаткам халадоў. На прафілактыку ў сельскай мясцовасці працуюць усе: і пажарныя, і сацыяльныя работнікі, і мясцовая ўлада.


У сельсаветах Пінскага раёна нядаўна правілы бяспекі вяскоўцы ўспаміналі разам з курсантамі МНС. На базе раёна праходзіў вучэбны збор курсантаў. І маладыя ратавальнікі не засталіся ўбаку ад справы прафілактыкі, якая ў іх прафесіі — адзін з асноўных кірункаў дзейнасці.

У вёсцы Галева Аснежыцкага сельсавета курсанты наведалі домаўладанні адзінокіх грамадзян, інвалідаў, сем’яў, якія выхоўваюць дзяцей, а таксама людзей, схільных да злоўжывання спіртнымі напоямі. Будучыя ратавальнікі ўдзялілі пільную ўвагу супрацьпажарнаму стану іх дамоў, усе выяўленыя парушэнні былі ўзяты на кантроль: інфармацыю аб іх перадалі зацікаўленым суб’ектам прафілактыкі для прыняцця мер.

Падчас тлумачальнай работы грамадзянам нагадалі, як не стварыць сваімі дзеяннямі пажаранебяспечныя сітуацыі, як бяспечна ў асенне-зімовы перыяд выкарыстоўваць пячное ацяпленне. Таксама ім расказалі аб ролі аўтаномных пажарных апавяшчальнікаў у папярэджанні пажараў. А ў некалькіх дамах маючым патрэбу ўстанавілі іх.

На наступны дзень пажарна-прафілактычную работу правялі ў 188 домаўладаннях грамадзян, навучылі правілам бяспекі 340 чалавек, паведамляе БелТА. «Курсанты атрымліваюць практычныя навыкі правядзення пажарна-прафілактычнай работы, раяць грамадзянам, якія правілы бяспекі неабходна выконваць, — адзначыў старшыня Аснежыцкага сельсавета Сяргей Садоўскі. — Акцыя „За бяспеку разам“ вельмі значная, дае магчымасць дапамагчы грамадзянам прывесці сваё жыллё ў пажарабяспечны стан, каб пазбегнуць вогненных трагедый».

Акцыя «За бяспеку разам» прайшла па ўсёй краіне. У аграгарадку Мікулічы Бярэзінскага раёна супрацоўнікі МНС сумесна з работнікамі сацыяльнай службы і прадстаўнікамі сельсавета абследавалі на прадмет супрацьпажарнага стану домаўладання адзінокіх і адзінокіх пажылых грамадзян, інвалідаў, сем’яў з дзецьмі. Спецыялісты агледзелі печы, электрычныя катлы, пажарныя апавяшчальнікі.

Загаловак у газеце: Сезонны клопат

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.