Вы тут

Віцебшчына актыўна падключылася да Беларускага тыдня прадпрымальніцтва


Віцебшчына актыўна падключылася да Беларускага тыдня прадпрымальніцтва. Сёлета ў горадзе на Дзвіне ўпершыню прайшоў рэгіянальны ўніверсальны кірмаш дасягненняў прадстаўнікоў малога і сярэдняга бізнесу «Фарбы восені», які, як запэўнілі арганізатары, стане добрай традыцыяй паўночнага рэгіёна.


Фота: ТК Віцебскага аблвыканкама

З пачатку года ў Віцебскай вобласці адкрыта 300 новых прадпрыемстваў і 13 вытворчасцяў ва ўсіх галінах эканомікі, у іх створана больш за 1200 новых працоўных месцаў. У вытворчай сферы з'явіліся арганізацыі па распілоўцы і габлёўцы драўніны; вырабе сеткі з дроту, угнаенняў, прадуктаў з мяса і птушкі, сподняй бялізны, тэкстылю, спецадзення і іншыя.

У рамках Дзяржаўнай праграмы «Малое і сярэдняе прадпрымальніцтва» на 2021—2025 гады ў 2023 годзе 20 суб'ектам малога бізнесу аказана дзяржаўная фінансавая падтрымка ў рэалізацыі інвестыцыйных праектаў і ўдзеле ў выставачна-кірмашовых мерапрыемствах больш чым на 180 тысяч рублёў.

Як паведамілі ў камітэце эканомікі аблвыканкама, на тэрыторыі вобласці дзейнічаюць без малога 30 тысяч суб'ектаў малога і сярэдняга прадпрымальніцтва (МСП). У гэтым сектары занята каля 135 тысяч чалавек, або 29,3 працэнта ад агульнай колькасці занятых у эканоміцы вобласці. За дзевяць месяцаў бягучага года паступленні ў бюджэт ад прадстаўнікоў МСП выраслі да аналагічнага перыяду 2022 года на 17,3 працэнта і склалі 27,8 працэнта ў агульных паступленнях у кансалідаваны бюджэт вобласці.

У рамках Беларускага тыдня прадпрымальніцтва ў паўночным рэгіёне быў праведзены шэраг мерапрыемстваў для моладзі і ўжо вопытных прадстаўнікоў малога і сярэдняга бізнесу. Так, навучэнцы сярэдняй школы № 23 горада Оршы наведалі семінар «Маркетынгавая палітыка», у рамках якога Аршанскі рэгіянальны цэнтр падтрымкі прадпрымальніцтва і нерухомасці знаёміў 28 зацікаўленых дзевяцікласнікаў з комплекснай сістэмай арганізацыі, распрацоўкі, вытворчасці, прасоўвання і рэалізацыі тавараў і паслуг. Завяршылася мерапрыемства дзелавой гульнёй «Мой бізнес», падчас якой у сяброўскай дыялогавай прасторы школьнікі змаглі абмяняцца ідэямі і атрымалі ад спецыялістаў матывацыйны зарад да актывізацыі сваёй прадпрымальніцкай дзейнасці.

У Полацку на пляцоўцы цэнтра прыцягнення ІGRОW «Белаграпрамбанка» адбыўся круглы стол па тэме «Рэгіянальная прадпрымальніцкая экасістэма — аб'яднанне інтарэсаў праз інжынерную супольнасць», падчас якога абмяркоўвалася пытанне фарміравання Полацкай рэгіянальнай інжынернай супольнасці як добраахвотнага аб'яднання навукоўцаў, спецыялістаў і жыхароў рэгіёна, дзейнасць якіх звязана з вынаходніцтвам і практычным укараненнем распрацовак.

У пятніцу ў рамках Дня адкрытых дзвярэй азнаёміцца з дзейнасцю ўсіх ахвотных запрашалі інкубатар малога прадпрымальніцтва «Закон і парадак» і базавы цэнтр падтрымкі прадпрымальніцтва «Віцебскі абласны цэнтр маркетынгу».

На Пушкінскай плошчы ў Віцебску працаваў першы рэгіянальны ўніверсальны кірмаш дасягненняў прадстаўнікоў малога і сярэдняга бізнесу «Фарбы восені», які на працягу трох дзён даваў гасцям і жыхарам горада тэматычныя пляцоўкі і радаваў гастрафэстам. Арганізатарамі мерапрыемства выступілі Віцебскі гарвыканкам, галоўнае ўпраўленне па адукацыі Віцебскага аблвыканкама і абласны цэнтр маркетынгу.

У першы дзень кірмашу моладзь знаёмілі са светам фінансаў, удзельнікі свята змаглі выпрабаваць свае веды ў віктарыне па фінансавай адукаванасці ад адной з банкаўскіх арганізацый. Каманды, якія ўдзельнічалі ў брэйн-рынгу «Эканамічныя веды — аснова паспяховага бізнесу», змагаліся за галоўны прыз — турыстычную паездку па Беларусі. Супрацоўнікі Дэпартамента аховы прадставілі паказальныя выступленні, шырока на кірмашы прэзентавалі праект «Чытаць. Любіць. Шанаваць», у рмках якога можна было набыць друкаваныя выданні, прысвечаныя гісторыі, культуры і традыцыям Прыдзвінскага краю. Яркім завяршэннем трохдзённага свята сталі выступленні найлепшых калектываў мастацкай самадзейнасці Віцебшчыны, караоке-батл і дыскатэка пад адкрытым небам.

Аляксандра ГВОЗДЗЕВА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.