Вы тут

У Мінску прайшла канферэнцыя «Стратэгічны аналіз і прагназаванне. Беларусь у глабальным свеце»


У Мінску прайшла Міжнародная навукова-практычная канферэнцыя «Стратэгічны аналіз і прагназаванне. Беларусь у глабальным свеце». Яе арганізатарам выступіў вядучы ў краіне аналітычны цэнтр — Беларускі інстытут стратэгічных даследаванняў.


 БелТА

Канферэнцыя прысвечана месцу Беларусі ў глабальным свеце. Тут упершыню сабраліся аналітыкі, якія складаюць аснову фабрык думкі, зазначыў аналітык Беларускага інстытута стратэгічных даследаванняў Аляксей Аўдонін. З 2019 года існуе Беларускі інстытут стратэгічных даследаваняў, і ўпершыню праведзена канферэнцыя, якая аб’яднала аналітыкаў з усяго блізкага нам па духу свету. Патрабуецца каардынацыя дзейнасці фабрык думкі саюзнікаў і партнёраў. Беларуская фабрыка думкі, адказваючы на гэты запыт, арганізавала гэтую канферэнцыю, у якой бяруць удзел кіраўнікі вядучых фабрык думкі, эксперты з Ірана, Расіі, Турцыі, Казахстана, Венгрыі і іншых краін.

Вынікам канферэнцыі стала падпісанне мемарандумаў аб пашырэнні супрацоўніцтва ў экспертнай галіне паміж Беларускім інстытутам стратэгічных даследаванняў і адпаведнымі арганізацыямі з Расіі і Ірана. Супрацоўніцтва, закладзенае ў гэтых дакументах, дасць магчымасць павысіць узровень даверу, абмену інфармацыяй, экспертамі, правядзення сумесных канферэнцый, семінараў, форумаў. Гэта будзе садзейнічаць глыбіні думкі, аналізу, прагнозу, разумення сітуацыі ў рэгіёнах. Калі робіцца аналіз па той ці іншай праблематыцы ў розных рэгіёнах свету, мы маем выхад да першакрыніц. А імі якраз з’яўляюцца мясцовыя «фабрыкі думкі».

Як зазначыў дырэктар Беларускага інстытута стратэгічных даследаванняў Алег Макараў, беларускім аналітыкам цікавы досвед Ірана ў плане супрацьстаяння санкцыям, у развіцці эканомікі. «І мы спадзяёмся, што будзем садзейнічаць, у тым ліку эканамічнаму развіццю, эканамічным сувязям Беларусі і Ірана праз наша аналітычнае супрацоўніцтва і экспертны дыялог, абмен экспертнай інфармацыяй, атрыманымі данымі, — адзначыў ён. — Мы абменьваемся нашай аналітыкай, нашай пазіцыяй, звязанай з рэгіянальнай нестабільнасцю. Акрамя таго, нас цікавіць усё, што звязана з павышэннем эфектыўнасці эканамічнага ўзаемадзеяння».

Леанід НОВІКАЎ

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.