Вы тут

Успамінаем ураджайнасць ягадных культур, культур пладовых і гародніны


Садова-агародны сезон скончыўся. Самы час успомніць ураджайнасць ягадных культур, культур пладовых і гародніны. Давайце на фоне гэтага паспрабуем спрагназаваць ураджай на наступны год.


Фота: pixabay.com

Маліны і суніцы садовыя

У пачатку сезона суніцы садовыя прыхапіла марозам, але гэта не перашкодзіла ім даць вельмі добры ўраджай. Значыць, з высокай доляй верагоднасці і на наступны год ён будзе добры.

Ад хвароб у мінулым сезоне суніцы пакутавалі не больш, чым раней, аднак вельмі актывізаваўся сунічны даўганосік, таму з пачаткам цёплага сезона наступнага года трэба правесці прафілактычныя апрацоўкі інсектыцыдамі.

Маліна таксама парадавала нядрэнным ураджаем, аднак не абышлося без пурпурнай плямістасці. Улічваючы гэта, увесну, да таго як маліна пачне цвісці, неабходна правесці правядзіце пару апрацовак фунгіцыдам.

Парэчкі і агрэст

Абедзве гэтыя культуры былі дастаткова ўраджайныя. Праўда, перажыла цёплую зіму шклянніца, якая атакавала кусты парэчак. У бягучым сезоне на ўраджаі гэта не адбілася, але вось у наступным годзе парэчак можа быць менш.

Унясіце зараз пад абедзве культуры па 10 г сульфату калію і суперфасфату, а рана вясной апрацуйце кусты «Фуфанонам».

Абрыкосы і персікі

На жаль, абрыкосы парадавалі ўраджаем не ўсюды — вясновыя маразы загубілі частку кветак. У некаторых рэгіёнах пацярпелі нават маладыя прыросты, таму ў будучым сезоне ўраджаі могуць быць сціплымі.

Персікі таксама пацярпелі ад марозу, але ў тых рэгіёнах, дзе яго не было, галінкі проста ламаліся ад ураджаю, гэта значыць, што на наступны сезон ураджаі будуць больш сціплымі — расліны будуць адпачываць.

Чарэшня і вішня

У гэтым годзе яны таксама пацярпелі ад зваротных замаразкаў, але ўраджаі не былі ніжэй, чым звычайна. Калі ў будучым сезоне маразоў у маі не будзе, то плануецца нядрэнны ўраджай. Важна правесці прафілактычныя апрацоўкі ад маніліёзу (3% медным купарвасам) і вішнёвай мухі.

Вінаград

Надвор’е ў верасні дазволіла парасткам добра выспець, значыць, на наступны год можна чакаць добрай ураджайнасці.

Важна зараз не забыць добра накрыць вінаград, а перад хованкай лазы старанна апрацаваць 1% жалезным купарвасам, гэта абароніць як лозы, так і пупышкі ад грыбной інфекцыі, ад выправання.

Калі ўсё зробіце правільна, то ўраджай павінен быць нядрэнны.

Яблыні і грушы

Большая частка сартоў парадавала добрым ураджаем, бо летась яны, можна сказаць, адпачывалі.

Не забудзьцеся правесці санітарнае абразанне і апрацаваць расліны 2% медным купарвасам, гэта ж датычыцца і груш, тады добрага ўраджаю ў наступным годзе вам не пазбегнуць.

Ірына ТАМКОВІЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.