Вы тут

На тэрыторыі Пухавіцкага раёна праходзіць комплекснае вучэнне


У рамках вучэння праведзена выязное пасяджэнне камісіі па надзвычайных сітуацыях пры Мінскім аблвыканкаме пад кіраўніцтвам намесніка старшыні аблвыканкама Віктара Рагускага. Удзел у пасяджэнні і ў ацэнцы адпрацоўкі ўводных прынялі першы намеснік міністра па надзвычайных сітуацыях Аляксандр Худалееў і начальнік Мінскага абласнога ўпраўлення МНС Сяргей Лапановіч. Абмяркоўваліся пытанні падрыхтоўкі да асенне-зімовага перыяду, а таксама да пажаранебяспечнага сезона 2024 года.


Практычны этап вучэння пачаўся з адпрацоўкі ўводнай па выніках праходжання цыклону з ураганным ветрам і моцным выпадзеннем ападкаў у выглядзе снегу на ўчастку аўтадарогі паблізу аграгарадка Блонь. Па легендзе, там утварыліся снежныя намёты, на праезную частку ўпалі дрэвы. У выніку ў заторы аказаліся 15 аўтамабіляў. Адбылося ДТЗ з удзелам легкавога аўтамабіля, бензавоза і экскурсійнага аўтобуса. У легкавым аўтамабілі аказаўся заблакіраваны кіроўца.

Супрацоўнікі органаў унутраных спраў арганізавалі аб’язныя маршруты. Падраздзяленні МНС дэблакіравалі пацярпелых і перадалі іх брыгадзе хуткай дапамогі. З бліжэйшай запраўкі было дастаўлена паліва для запраўкі аўтамабіляў. Ратавальнікі ліквідавалі разліў бензіну, работнікі дарожнай службы правялі расчыстку праезнай часткі ад дрэў.

Наступную ўводную ўдзельнікі вучэння адпрацоўвалі па выніках надзвычайнай сітуацыі на тэрыторыі Стаўбцоўскага раёна. Паводле легенды, распараджэннем старшыні Мінаблвыканкама было вызначана, што ў Пухавіцкі раён будзе ажыццёўлена часовае адсяленне дзвюх тысяч чалавек. Для размяшчэння людзей быў разгорнуты пункт прыёму насельніцтва, якое часова адсяляецца, арганізаваны рухомыя пункты харчавання, у тым ліку для работнікаў аварыйных службаў і арганізацый.

Аварыйнымі службамі былі адпрацаваны магчымыя аварыйныя і надзвычайныя сітуацыі, характэрныя для асенне-зімовага перыяду. З-за нізкіх тэмператур здарыўся парыў вадаправода, які сілкуе кацельню аграгарадка Блонь, што стала прычынай выбуху катла. З-за надзвычайнай сітуацыі пацярпеў супрацоўнік кацельні, без цеплазабеспячэння аказаліся больш сотні жылых дамоў. На месца ўмоўнай надзвычайнай сітуацыі аператыўна прыбылі падраздзяленні МНС для забеспячэння бяспекі паблізу месца здарэння і дэблакіроўкі пацярпелых з-пад завалаў. Работнікі ЖКГ падключылі мабільную кацельню для патрымання тэмпературы ў сетцы забеспячэння.

Спецыялісты адрэагавалі і на парушэнне водазабеспячэння ў населеным пункце. Супрацоўнікі водаканала апавясцілі насельніцтва аб здарэнні, арганізавалі падвоз пітной вады. Спецыялісты адпампавалі ваду ў месцы парыву трубаправода і ліквідавалі няспраўнасць шляхам замены пашкоджаных элементаў.

Як правіла, падчас правядзення вучэнняў усе зацікаўленыя службы адпрацоўваюць найбольш складаныя сітуацыі. Па ўмовах наступнай уступнай, пры выкананні рамонтных прац вадаправода каўшом экскаватара пашкодзілі ўчастак газаправода на размеркавальнай сетцы высокага ціску, што прывяло да выхаду газу ў атмасферу. На няштатную сітуацыю аператыўна адрэагавала раённая газавая служба. Спецыялісты ліквідавалі ўцечку газу з трубаправода шляхам замены пашкоджанага ўчастка. Для ліквідацыі надзвычайнай сітуацыі прыцягваліся дадатковыя сілы і сродкі Мінаблгаза.

Адпрацоўцы пытанняў пажаранебяспечнага перыяду ўдзялілі асаблівую ўвагу. Ад відавочцаў паступіла паведамленне аб тым, што ў некалькіх месцах гарыць сухая расліннасць. Моцны вецер ствараў пагрозу распаўсюджвання пажару на тарфянішча і лясны масіў, размешчаны побач. Для ліквідацыі здарэння пры раённым аддзеле па надзвычайных сітуацыях быў створаны штаб. Для тушэння ўзгарання была прыцягнута тэхніка лясгаса і суб’екта гаспадарання, арганізавана харчаванне задзейнічаных у ліквідацыі людзей.

Вераніка КАНЮТА

Фота прэс-службы Мінскага абласнога ўпраўлення МНС

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».