Вы тут

На «Беларусь 2» стартавала маштабнае гульнявое шоу «Гэта мая сям’я»


На тэлеканале «Беларусь 2» у новым сезоне стартавала маштабнае гульнявое шоу «Гэта мая сям’я», дзе кожныя выхадныя дзве каманды змагаюцца за званне пераможцаў. І найбліжэйшыя выпускі, якія супалі са святочнымі датамі, не стануць выключэннем.


Фота Белтэлерадыёкампаніі

Так, 14 кастрычніка — у Дзень маці — удзел прымуць дзве шматдзетныя сям’і: Валчэцкіх з аграгарадка Жамчужны і Грудзінскіх з аграгарадка Макраны Брэсцкай вобласці. Удзельнікам абедзвюх каманд патрэбна будзе справіцца з пяццю вясёлымі конкурсамі на ўзаемавыручку і кемлівасць, каб атрымаць у выніку званне самай дружнай і згуртаванай сям’і. А ў Дзень бацькі, 21 кастрычніка, цёплыя віншаванні ад удзельнікаў шоу прыме вядучы праекта шматдзетны тата Яўген Шуманскі.

— Сёння не ва ўсіх краінах сям’я застаецца галоўнай каштоўнасцю. Мы ганарымся, што ў нашай дзяржаве шмат увагі аддаецца ўмацаванню інстытута сям’і. А праект гэты чарговы раз пацвярджае, што беларускія сем’і — самыя моцныя і дружныя, — адзначае прадзюсар шоу Герман Малышыцкі. — Галоўная мэта праграмы не ў тым, каб змусіць каманды спаборнічаць. Зусім наадварот — мы хочам, каб удзельнікі весела правялі час у коле сваіх родных людзей. І таму без каштоўнага падарунка здымачную пляцоўку ніхто не пакідае. А дорым мы нашым удзельнікам сертыфікаты на выхадныя мары.

Нагадаем, за прыгодамі ўдзельнікаў шоу гледачы могуць сачыць кожную суботу на тэлеканале «Беларусь 2». Праект «Гэта мая сям’я», у якім возьмуць удзел 104 моцныя сям’і з усёй краіны, дакажа вядучаму і тэлеаўдыторыі, што толькі разам можна пераадолець любыя выпрабаванні.

Алена ДРАПКО

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.