Вы тут

Першы этап рэпетыцыйнага тэсціравання для падрыхтоўкі да ЦЭ і ЦТ стартуе ў кастрычніку


Першы этап рэпетыцыйнага тэсціравання для падрыхтоўкі да цэнтралізаванага экзамену і цэнтралізаванага тэсціравання стартуе ў кастрычніку. Такая інфармацыя размешчана на сайце Рэспубліканскага інстытута кантролю ведаў, паведамляе БелТА.


Рэпетыцыйнае тэсціраванне пройдзе па 15 вучэбных прадметах за курс агульнай сярэдняй адукацыі для падрыхтоўкі да цэнтралізаванага экзамену і цэнтралізаванага тэсціравання 2024 года. Яго першы этап будзе праводзіцца з кастрычніка па снежань 2023 года. Другі запланаваны на студзень-люты 2024 года, трэці пройдзе з сакавіка па красавік 2024 года.

«Пералік устаноў адукацыі, на базе якіх можна прайсці рэпетыцыйнае тэсціраванне, будзе размешчаны на сайце РІКВ пасля заключэння дагавораў. Кожны пункт правядзення тэсціравання вызначае свой графік правядзення і колькасць удзельнікаў рэпетыцыйнага тэсціравання па вучэбных прадметах», — гаворыцца на сайце ўстановы.

Усю актуальную інфармацыю аб даступных сеансах РТ можна знайсці ў асабістым кабінеце ўдзельніка тэсціравання на сайце РІКВ, а ў раздзеле «Рэпетыцыйнае тэсціраванне» — падрабязную інфармацыю аб парадку арганізацыі і правядзення рэпетыцыйнага тэсціравання.

Прэв’ю: БелТА

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.