Вы тут

Праект «Адзін дзень» стаў дыпламантам фестывалю «Тэрыторыя заўтра»


Праект «Адзін дзень», які выходзіць на тэлеканале «Беларусь 1», стаў дыпламантам VІІ Міжнароднага экалагічнага тэлевізійнага фестывалю «Тэрыторыя заўтра», які прайшоў у Ніжнім Ноўгарадзе ў сярэдзіне верасня.


Маштабны тэлевізійны форум сёлета сёмы раз сабраў журналістаў, вытворцаў відэа- і аўдыякантэнту, блогераў, якія ў сваёй творчасці раскрываюць важныя для сучаснага грамадства пытанні экалогіі. Гэтым разам заяўкі на ўдзел у творчым спаборніцтве былі з 31 рэгіёна Расійскай Федэрацыі і з 11 краін блізкага і далёкага замежжа. Конкурс праходзіў у два этапы, у сямі намінацыях змагаліся каля 300 работ, а ў фінале найлепшых вызначалі ўжо з 33 работ.

Праект «Адзін дзень» стаў дыпламантам у намінацыі «ЭкаТурызм». На конкурсе быў прадстаўлены выпуск, што прысвечаны ўнікальным беларускім балотам і распавядае пра гіда Касю Казачонак, якая балотам захапляецца з дзяцінства і ведае пра яго ўсё. І вось адну з такіх вандровак у 7 кіламетраў здымачная група праекта здзейсніла ў кампаніі галоўнай гераіні. Над праграмай працавалі кіраўнік праекта, намеснік дырэктара тэлеканала «Беларусь 1» Вольга Саламаха, аўтар, прадзюсар тэлеканала «Беларусь 1» Алена Пунтус і аператар Аляксандр Ясюлевіч.

А гледачам нагадаем, што праграма «Адзін дзень» выходзіць у эфір кожны тыдзень па чацвяргах і з паўторам у нядзею. Стваральнікі праекта пражываюць адзін дзень з героямі выпуску і такім чынам праз прызму асобы і яе захаплення знаёмяць аўдыторыю з асаблівасцямі самых розных прафесій.

Алена ДРАПКО

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.