Вы тут

Ветурачы і інжынерныя спецыяльнасці. У якіх галінах ёсць дэфіцыт кадраў


Начальнік галоўнага ўпраўлення прафесійнай адукацыі Міністэрства адукацыі Беларусі Сяргей Пішчоў у праекце БелТА «Краіна гаворыць» распавёў, у якіх галінах ёсць дэфіцыт кадраў.


Фота: pexels.com

«У аграпрамысловым комплексе, мяркуючы па тых лічбах, якія мы бачым па выніках прыёму, сапраўды адчуваецца некаторы дэфіцыт кадраў па спецыяльнасцях, звязаных з заатэхніяй, аграінжынерыяй, гэта значыць звязаных з тэхнічным забеспячэннем сельскай гаспадаркі. Таксама на некаторых спецыяльнасцях інжынернага профілю назіраюцца не самыя высокія прахадныя балы, што таксама кажа аб неабходнасці далейшай працы як устаноў адукацыі, так і арганізацый-заказчыкаў кадраў», — распавёў Сяргей Пішчоў.

Каб узмацняць звязку ўстаноў адукацыі і прадпрыемстваў, неабходна развіваць усе формы атрымання адукацыі, у тым ліку мэтавую.

«Мэтавая падрыхтоўка кадраў для канкрэтнага прадпрыемства прадугледжвае, што гэтыя кадры будуць размяркоўвацца менавіта на гэтае прадпрыемства, таксама яно прадугледжвае выкананне ў далейшым нейкіх навукова-даследчых работ, накіраванне на дадзенае прадпрыемства выкладчыкаў на стажыроўкі, адкрыццё філіяла кафедраў і гэтак далей. І па шэрагу кірункаў ёсць добрыя прыклады, дзе гэтая сувязь дастаткова моцная», — падкрэсліў начальнік галоўнага ўпраўлення.

Што датычыцца педагагічных кадраў, прадстаўнік ведамства адзначыў, што сістэма адукацыі ўжо выйшла на той узровень, калі растуць і прахадныя балы, і конкурсы на гэтыя спецыяльнасці.

«Па фізіка-матэматычнай адукацыі адносна іншых спецыяльнасцяў яшчэ ёсць некаторы дэфіцыт, магчыма, яшчэ па дашкольнай і пачатковай адукацыі. Але, напрыклад, па спецыяльнай адукацыі, якая карыстаецца вялікай папулярнасцю сярод абітурыентаў, назіраюцца вялікія конкурсы і высокія прахадныя балы. Я, працуючы ў прыёмнай камісіі яшчэ ў 2013 годзе, бачыў, якія былі прахадныя балы на педагагічныя спецыяльнасці. Калі параўноўваць іх з сённяшнімі, то прагрэс відавочны, г. зн. педагагічныя спецыяльнасці сталі больш папулярнымі, мэтавая падрыхтоўка на іх — больш запатрабаванай», — канстатаваў Сяргей Пішчаў.

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.