Вы тут

У Магілёве увекавечылі памяць ахвяр нацыстаў


Музей гісторыі Магілёва разам з «Патрыётамі Беларусі» і школьнікамі ўвекавечылі памяць сувязной з вёскі Гаі.


Гэта месца на ўскрайку Магілёва яшчэ ў 2013 годзе было пазначана вялікім валуном з памятнай таблічкай. Тут у адной магіле пахаваная 61 ахвяра нямецкага рэжыму з ліку мірных жыхароў бліжэйшых да Магілёва вёсак, а таксама ваеннапалонных. Астанкі былі знойдзенныя ў ходзе пошукавых экспедыцый, на жаль, даведацца імёны пакараных фашыстамі не атрымалася. Побач з гэтым валуном і была ўстаноўлена памятная дошка з QR-кодам і яшчэ адна — з імёнамі у гонар сувязной партызанскага атрада Веры Андрэевай і яе маці Марыі — жыхарак вёскі Гаі Магілёўскага раёна. Яны былі расстраляныя немцамі падчас адной з аблаў. Дакладнае месца пахавання жанчын невядома, але цяпер іх памяць увекавечана.

Удзел у мерапрыемстве ўзялі прадстаўнікі музея гісторыі Магілёва, рэспубліканскага аб’яднання «Патрыеты Беларусі», навучэнцы магілёўскіх школ № 5 і 12, гімназіі № 4 і Магілёўскага эканамічнага прамыслова-тэхналагічнага каледжа, пошукавікі.

Яго арганізаваў навуковы супрацоўнік музея гісторыі Магілёва Пётр Хаванскі.

Паўтара гады таму «Звязда» пісала пра подзвігі жыхароў вёскі Гаі Магілёўскага раёна.

Тады атрымалася пагутарыць з Соф’яй Веракса і Браніславам Дашкевічам, якія на час вайны былі падлеткамі і асабіста ведалі сувязную Веру Андрэеву і яе маці. Артыкул быў размешчаны ў апошнім нумары «Пошукавага весніка», прысвечанага генадыцу. Гэта выданне Магілёўскага абласнога гісторыка-патрыятычнага пошукавага клуба «Віккру».

Пасля мерапрыемства патрыёты і школьнікі наведалі Соф’ю Веракса і ўручылі ёй нумар «Пошукавага весніка». На жаль, перадаць яшчэ адзін экземпляр Браніславу Дашкевічу не атрымалася: былы настаўнік у жніўні пайшоў з жыцця.

— Відавочцы сыходзяць і наш доўг — не забыць імёны закатаваных фашыстамі або спаленых і забітых імі мірных грамадзян, — кажа Пётр Хаванскі.— Дзякуючы гэтым мужным людзям мы сёння жывем у мірнай краіне.

Нэлі ЗІГУЛЯ

Фота Дар’і ЭВЕРС

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?