Вы тут

Па добры досвед працы — на чыгунку


Студэнцкі рух на Беларускай чыгунцы з кожным годам актыўна развіваецца. Калі летась у арганізацыях магістралі працавалі каля 230 студэнтаў і навучэнцаў, то сёлета — у 2,5 раза болей.


У ліпені-верасні яны шчыравалі праваднікамі пасажырскіх вагонаў і манцёрамі пуці, цеслярамі і малярамі, выхавацелямі і інструктарамі ў дзіцячых аздараўленчых лагерах. Пашырылася і геаграфія навучальных устаноў краіны. Калі ў 2022 годзе гэта былі байцы студатрадаў з дзесяці вышэйшых і сярэдніх спецыяльных навучальных устаноў, то сёлета — ужо з больш чым 30, паведамляе прэс-цэнтр магістралі.

У маі мінулага года Беларускай чыгункай і ГА «БРСМ» было падпісана пагадненне аб супрацоўніцтве, накіраванае на развіццё ўзаемадзеяння па пытаннях фарміравання і прыцягнення студэнцкіх атрадаў для работы ў арганізацыях магістралі.

У бягучым годзе пры падтрымцы Цэнтральнага камітэта БРСМ было арганізавана папярэдняе навучанне 200 студэнтаў і навучэнцаў — удзельнікаў чыгуначных сэрвісных і будаўнічых студэнцкіх атрадаў па прафесіях «Праваднік пасажырскага вагона» і «Манцёр пуці».

Падчас сустрэчы кіраўніцтва Беларускай чыгункі з актывам сэрвісных і будаўнічых студэнцкіх атрадаў яго байцы падзяліліся сваімі ўражаннямі аб рабоце на магістралі, а таксама адзначылі высокі ўзровень арганізацыі іх працоўнай дзейнасці, магчымасць атрымаць добры досвед работы, стасункаў і новыя веды.

Кіраўніцтва магістралі падзякавала прадстаўнікам студэнцкіх атрадаў за работу, а таксама выказала надзею, што пасля заканчэння навучальных устаноў многія з іх захочуць прадоўжыць свой працоўны шлях на прадпрыемствах і ў арганізацыях магістралі.

Прадстаўнікі БРСМ, у сваю чаргу, адзначылі важную ролю студатрадаўскага руху ў рэалізацыі дзяржаўнай маладзёжнай палітыкі ў краіне і вялікі ўклад Беларускай чыгункі ў яго развіццё.

Сяргей РАСОЛЬКА

Прэв’ю: БелТА

Выбар рэдакцыі

Адукацыя

Наталля Карчэўская: Культуры патрэбны прыток новых людзей

Наталля Карчэўская: Культуры патрэбны прыток новых людзей

Рэктар БДУКМ — пра падрыхтоўку прафесійных кадраў для ўстаноў культуры.

Грамадства

Батанічны сад — месца, напоўненае спакоем і прыгажосцю

Батанічны сад — месца, напоўненае спакоем і прыгажосцю

Прагуляліся па квітнеючым Цэнтральным батанічным садзе: расказваем аб уражаннях

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.