Вы тут

Нашы ваеннаслужачыя ўдзельнічаюць у вучэнні ў Забайкаллі


На расійскім палігоне Тэлемба завяршылася падрыхтоўка ўзбраення, ваеннай і спецыяльнай тэхнікі да баявой стральбы. Баявыя разлікі 15-й зенітнай ракетнай брыгады, 1-га зенітнага ракетнага палка і 377-га гвардзейскага зенітнага ракетнага палка ў бліжэйшы час заступяць на баявое дзяжурства па супрацьпаветранай абароне.


Не за гарамі і самая відовішчная частка вучэння — баявая стральба. Пакуль жа ідзе інтэнсіўная падрыхтоўка.

Дарэчы, палігон Тэлемба – адзін з найбуйнейшых у свеце. Размешчаны ён на тэрыторыі Забайкальскага краю і Рэспублікі Буратыя Расійскай Федэрацыі. Палігон носіць імя аднайменнай вёскі, якая знаходзіцца ў адноснай блізкасці ад палігона. Тэлемба ўяўляе сабой вялізную арэну, спецыяльна абсталяваную для буйнамаштабных ваенных вучэнняў, якая змяшчае дзесяткі тысяч адзінак жывой сілы, не лічачы тэхнікі, узбраення, комплексаў і ўстановак. Там ледзь не штомесяц праводзяцца розныя буйнамаштабныя вучэнні. Бывае, што і па некалькі разоў на месяц. Апошні раз, вайскоўцы вайсковых часцей СПА нашых Узброеных Сіл выконвалі вучэбна-баявыя задачы на гэтым палігоне роўна дзевяць гадоў таму.

Пра тое, чым нашы ваеннаслужачыя займаюцца тут цяпер, пра ўражанні, якія склаліся падчас знаходжання на расійскім палігоне, распавёў камандзір 377-га гвардзейскага зенітнага ракетнага палка гвардыі палкоўнік Аляксей Рабінін:

— У рамках другога этапу тактычнага вучэння з зенітнымі ракетнымі войскамі ВПС і войскаў СПА адно з падраздзяленняў нашага палка перадыслакавалася на палігон Тэлемба. Умовы для асабовага складу расійскім бокам створаны цалкам камфортныя. На дадзены момант асабовым складам палка праведзена настройка і прыём тэхнікі, правераны ўсе параметры, якія ўплываюць на стральбу. Пускавыя ўстаноўкі зараджаны. У ходзе баявой стральбы будуць выкананы пускі па мішэнях «Стрыж» і «Банкет». Гэта вельмі важны досвед для асабовага складу, унікальная магчымасць праверыць на практыцы, усё, што мы ўмеем. Настрой ва ўсіх баявы, хутка прайшлі акліматызацыю і гатовы выканаць пастаўленую задачу.

З-за шасцігадзіннай розніцы ў часе ў Забайкаллі беларускія зенітчыкі першымі арганізавана сустрэлі Дзень народнага адзінства. Калі беларусы спалі моцным сном на радзіме, вайскоўцы 15-й зенітнай ракетнай брыгады, 1-га зенітнага ракетнага палка і 377-га гвардзейскага зенітнага ракетнага палка выстройваліся раніцай на пляцы для правядзення ўрачыстага мітынгу. Праводзіў яго кіраўнік вучэння — намеснік камандуючага ВПС і войскамі СПА генерал-маёр Дзмітрый Міхалап.

Завяршылася мерапрыемства выкананнем усім воінскім кантынгентам Дзяржаўнага гімна Рэспублікі Беларусь. І трэба было чуць, як цёпла гучалі словы роднага гімна ў глухой забайкальскай тайзе. Прама з мітынгу асабовы склад накіраваўся на пазіцыі. Вучэнне працягваецца…

Алег НЯКАЛА

Фота аўтара

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.