Вы тут

Другі рэспубліканскі форум гарадоў-спадарожнікаў прайшоў у Скідзелі


Дэлегацыі з Дзяржынска, Заслаўя, Лагойска, Фаніпалі, Рудзенска і Жабінкі сустрэліся на Гродзеншчыне, каб абмеркаваць праблемныя пытанні і падзяліцца вопытам работы ў развіцці гарадоў-спадарожнікаў.


Першы форум летась прайшоў у Жабінцы. За гэты час тут з’явілася нямала значных напрацовак і дасягненняў. Важную ролю ў спадарожніку Брэста надаюць будаўніцтву жылля. І тут вызначана свая стратэгія.

— З мінулага года пры будаўніцтве жылля мы вызначылі, што палова кватэр у новабудоўлях — для жыхароў абласнога цэнтра. Такім чынам мы падцягваем да нас жыхароў Брэста, — расказаў намеснік старшыні Жабінскага райвыканкама Сяргей Хізаў.

Ён адзначыў, што за год у населеным пункце рэалізавана два буйных лагістычных праекта — адкрыты склад часовага захавання і арганізаваны цэнтр па перавалцы грузаў. З удзелам бізнэса пачала дзейнічаць вытворчасць швейных вырабаў. Яшчэ некалькі інвестпраектаў будуць рэалізаваны на працягу года альбо знаходзяцца ў распрацоўцы. 

Адна з галоўных праблем, якая была вызначана падчас сустрэчы, звязана з адтокам насельніцтва ў абласныя цэнтры. І справа тут не заўсёды ў жыллёвай праблеме. Напрыклад, у Скідзелі будуецца нямала шматпавярховых дамоў, кватэры ў якіх могуць быць прадастаўлены мясцовым работнікам. У горадзе даволі магутная прамысловая база — буйное сельгаспрадпрыемства і старэйшы ў рэспубліцы цукровы камбінат. Разам з тым ёсць намер пашырыць вытворчую базу. Як паведаміў старшыня Гродзенскага райвыканкама Валерый Хелскі, у бліжэйшы час у Скідзелі пачнецца рэалізацыя праекта па будаўніцтву новага завода — філіяла ААТ «Малочны Мір». Плануецца, што тут будзе створана каля 200 працоўных месцаў. 

— Гэта будзе даволі вялікая вытворчасць, якая дасць магчымасць забяспечыць працоўнымі месцамі жыхароў горада-спадарожніка, — рэзюміраваў кіраўнік раёна. 

Удзельнікі форума абмеркавалі пытанні арганізацыі работы ЖКГ, водазабеспячэння, звароту з цвёрдымі бытавымі адходамі, работы лазняў. Абменяліся думкамі па медыцыне, адукацыі, турыстычным патэнцыяле. У памяць аб ІІ Форуме прадстаўнікі гарадоў-спадарожнікаў заклалі сімвалічную алею каля гарадскога Дома культуры ў Скідзелі. 

Маргарыта УШКЕВІЧ

Фота аўтара і rgazeta.by

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.