Вы тут

Наталля Качанава з рабочым візітам наведала Наваполацк


Старшыня Савета Рэспублікі Наталля Качанава з рабочым візітам наведала Наваполацк. У Палацы культуры ААТ «Нафтан» старшыня верхняй палаты парламента сустрэлася з актывам Беларускага саюза жанчын Віцебскай вобласці.


— Я вельмі даўно з’яўляюся членам Беларускага саюза жанчын і ганаруся гэтым. Лічу, што наша арганізацыя можа многае, а калі аб’ядноўваюцца жанчыны, яны вырашаюць вельмі важныя і патрэбныя задачы для краіны ў цэлым і для асобна ўзятага чалавека. Мы правялі ўжо тры такія сустрэчы: у Брэсцкай, Гродзенскай і Гомельскай абласцях, і, спадзяюся, сёння мы з вамі адкрыта і сумленна абмяркуем неабходныя пытанні, — адзначыла ў прывітальным слове Наталля Іванаўна.

Акцэнт адкрытага дыялогу быў зроблены на сямейных каштоўнасцях. Спікер падкрэсліла, што Усебеларускі народны сход вызначыў прыярытэты развіцця нашай краіны, адзін з іх — шчаслівая сям’я. І ў гэтай кароткай фразе — усё: наша жыццё, падтрымка сем’яў, дзеці, традыцыйныя каштоўнасці. Захаванне інстытута шлюбу, падтрымка шматдзетных сем’яў, мацярынства і дзяцінства — гэтыя і шэраг іншых пытанняў заўсёды знаходзяцца ў цэнтры ўвагі кіраўніка краіны і ўрада.

Старшыня Савета Рэспублікі закранула тэму дэмаграфічнай бяспекі. «Такімі льготамі і прэферэнцыямі, якія ёсць у нас, нямногія дзяржавы могуць пахваліцца. У Беларусі выплачваюцца розныя віды дапамог. Усе пытанні, якія вырашаюцца ў сферы аховы здароўя, адукацыі, органамі працы і абароны, сёння накіраваны на падтрымку сем’яў», — адзначыла Наталля Качанава.

Спікер заклікала жаночае грамадства сваімі прыкладамі шчаслівых сем’яў і паспяховай рэалізацыі на прафесійнай ніве дапамагчы вырашыць пытанні, якія сёння ўзнікаюць у краіне. Напрыклад, якімі спосабамі павысіць нараджальнасць. Толькі агульнымі сіламі і зацікаўленасцю ў вырашэнні агульнахвалюючых праблем можна зрабіць нашу краіну лепшай.

На сустрэчы з актывам БСЖ Наталля Качанава анансавала мерапрыемства, якое плануюць правесці ў Полацку: размова пра галоўнае з сем’ямі, на якой будуць абмеркаваны пытанні выхавання падрастаючага пакалення.

Аляксандра ГВОЗДЗЕВА

Фота: БелТА

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.