Вы тут

Як Мінск адсвяткуе Сусветны дзень без аўтамабіля


З 16 па 22 верасня ў Мінску будзе праводзіцца «Тыдзень мабільнасці». Розныя мерапрыемствы, прысвечаныя экалагічнай акцыі, на працягу сямі дзён будуць праводзіцца ў сталіцы, а фінальную кропку паставіць «Сусветны дзень без аўтамабіля» ў пятніцу 22 верасня.


Мінск іспытвае вялікую нагрузку ад выбрасаў аўтатранспарту. Па статыстыцы 80% шкодных выбрасаў прыходзіцца на аўтамабілі і толькі 20% на прамысловыя прадпрыемствы сталіцы.

«Дзень без аўтамабіля» святкуецца ў нас ужо 8-ы год. Згодна дадзеным міністэрства прыродных рэсурсаў і аховы навакольнага асяроддзя Рэспублікі Беларусь, такая акцыя дазваляе скараціць да 100-200 тонн выбрасаў шкодных элементаў ад аўтамабіляў па ўсёй рэспубліцы.

«У Мінску каля 600 тыс. аўтамабілістаў, з якіх прыкладна 10% (60 тыс.) маюць электрамабілі», — расказаў Сяргей Бабіч, начальнік кіраўніцтва ДАІ ГУУС Мінгарвыканкама. І для ўсіх гэтых людзей 22 верасня будзе дзейнічаць бясплатны праезд у грамадскім транспарце пры прад’яўленні вадзіцельскага пасведчання.

Як можна паўдзельнічаць у тыдні мабільнасці 

У кожнага ёсць магчымасць паўплываць на экалагічны стан краіны. 16 верасня будзе арганізаваны велапрабег, які пачнецца з плошчы Якуба Коласа а 10 гадзіны раніцы і скончыцца побач з Ваеннай акадэміяй. 17 верасня таксама можна прыняць удзел у велапрабегу, старт ад Нацыянальнай бібліятэкі. 

А калі ў вас ёсць дзеці, 16 верасня прыходзьце на акцыю «Першы ровар» у Сонечнай даліне. На ёй пройдзе адбор моладзі ў спартыўны клуб. 23-ага акцыя паўтарыцца ўжо побач з Нацыянальнай бібліятэкай.

Для тых, хто цікавіцца электратранспартам, увесь тыдзень будзе працаваць выстава электракараў у гандлёвым цэнтры «Сталіца».

Што адбудзецца на дзень без аўтамабіля 

Для тых, хто абярэ «экалагічны транспарт» для руху, будзе адразу некалькі прыемных навінаў: «Eleven» i «Whoosh» прадставіць зніжку на арэнду самакатаў, а «Еўраторг» будзе раздаваць бясплатныя фрукты ў чатырох кропках гораду:

  • Уваход у цэнтральны батанічны сад;
  • На веласцежцы недалёка ад «Мінск-Арэна»;
  • Праспект Партызанскі, 30;
  • Праспект Дзяржынскага, 13, побач з шматпавярховым паркінгам.

У парку культуры і адпачынку імя 50-годдзя Вялікага Кастрычніка пройдзе забег для ўсіх жадаючых. Для сямей Цэнтрам экалагічнага выхавання і развіцця будзе арганізаваны асобны прабег па экалагічных сцежках Чыжоўскага вадасховішча. Калі бегаць вам нязручна — можна прыняць удзел у велапрабегу. Старт з вуліцы Маякоўскага, 129.

Вуліца Леніна будзе перакрывацца ўжо з 6:00 і, як мяркуецца, да 24:00. Тут будзе ўстаноўлена вялікая сцэна. Асноўныя культурна-забаўляльныя мерапрыемствы пачнуцца а 16 гадзіне. На 18.00 запланавана ўрачыстае адкрыццё свята.

«Таму лепшы сродак адсвяткаваць дзень без аўтамабіля — не карыстацца сваім аўтамабілям. Прайсціся пешшу, скарыстацца грамадскім транспартам або роварам, скейтбордам ці самакатам», — адзначыла намеснік старшыні Мінскага гарадскога камітэта прыродных рэсурсаў і аховы навакольнага асяроддзя Таццяна Дубік.

Міхаіл МУРЗА

Фота аўтара

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.