Вы тут

Петрышэнка заклікаў ствараць у раёнах умовы для рэалізацыі і замацавання маладых спецыялістаў


На раённым узроўні павінны стварацца ўсе ўмовы для рэалізацыі і замацавання маладых спецыялістаў. Такім меркаваннем з журналістамі падзяліўся намеснік прэм’ер-міністра Ігар Петрышэнка ў час наведвання Слаўгарада, перадае БелТА.


«На рэгіянальным узроўні павінны стварацца ўмовы для замацавання маладых спецыялістаў, у тым ліку пры дапамозе стымулюючых элементаў. Гэта неабходна, каб маладыя спецыялісты заставаліся працаваць у раённых цэнтрах, у вёсцы, — адзначыў ён. — Сёння мы дэталёва паглядзелі і абмеркавалі нарматыўна-прававую базу, якая прымалася некалькі гадоў таму. Тады былі адны ўмовы, цяпер яны змяніліся, узрос і камфорт жыцця. А таму неабходна атрымаць прапановы ад раённага і абласных узроўняў, каб потым глядзець і аналізаваць на ўзроўні ўрада, як нам далей удасканальваць стымулюючыя фактары».

Такі падыход, упэўнены віцэ-прэм’ер, патрэбны для стварэння яшчэ больш камфортных умоў, якія даюць магчымасць маладым спецыялістам эфектыўна працаваць, замацоўвацца і будаваць свае сем’і ў такіх населеных пунктах, як Слаўгарад. «Неабходна ўлічыць, што гэта тэрыторыя была забруджана радыеактыўнымі элементамі пасля катастрофы на Чарнобыльскай АЭС. Цяпер мы аналізуем і актуалізуем тыя ці іншыя параметры, звязаныя з ільготамі для працуючых на такіх тэрыторыях. Над гэтым працуе ў тым ліку Міністэрства працы і сацыяльнай абароны. Гэта трэба, каб мы ішлі ў нагу з часам з пункту гледжання стварэння яшчэ больш камфортных умоў замацавання і прафесійнай самарэалізацыі. Гэта работа датычыцца ўмоў жыцця, дастойнай заработнай платы і адпаведных умоў на рабочым месцы».

Прэв’ю: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?