Вы тут

Як рыхтуюцца да 30-годдзя Міжнароднай асацыяцыі акадэмій навук


З 20 па 22 верасня ў Беларусі будзе святкавацца 30-гадовы юбілей Міжнароднай асацыяцыі акадэмій навук (МААН). Сёння ў Нацыянальным прэс-цэнтры паведамілі, што адбудзецца ў святочныя дні, а таксама чым займаецца асацыяцыя і чаму гэта важна.


Міжнародная асацыяцыя акадэмій навук была створана ў 1993 годзе, першапачаткова з ідэяй аднавіць структуру Акадэміі навук Савецкага саюза. Аснову яе склалі акадэміі навук краін СНД, а пасля далучыліся Кітай, Уетнам, Манголія, Чарнагорыя і іншыя. Цяпер у МААН 26 сяброў, якія аб’ядналіся з мэтай кансалідацыі навуковага патэнцыялу і абмена досведам. А ў мінулым годзе ўжо на другі пяцігадовы тэрмін старшынёй МААН быў абраны кіраўнік Нацыянальнай Акадэміі навук Беларусі Уладзімір Гусакоў. Таму 30-годдзе асацыяцыя будзе адзначацца ў Мінску.

Галоўны навуковы сакратар НАН Беларусі Васіль Гурскі, што падчас асноўнага надыходзячага мерапрыемства ў МААН афіцыйна прымуць Акадэмію навук Кубы. Ён падкрэсліў, што многія краіны імкнуцца выкарыстоўваць досвед Беларускай акадэміі навук, якая дзейнічае як буйны, навукова-вытворчы комплекс, і ствараць у сябе падобныя. Зараз не ва ўсіх краінах ёсць акадэмія навук, таму супрацоўніцтва з імі вядзецца праз крупыя навуковыя цэнтры. Ён таксама расказаў пра Савет маладых навукоўцаў МААН:

— Моладзь — больш лёгкая, таму і супрацоўнічае нават больш актыўна, чым сталыя навукоўцы. Увесь час яны едзяць на канферэнцыі, сустрэчы за мяжу. Амалажэнне навукі і ўзаемасувязь — гэта адна з задач, якія стаяць не толькі перад Беларуссю, але і перад усёй МААН. А сувязі, якія ўсталёўваюцца ў маладыя гады, звычайна захоўваюцца на ўсё жыццё, ствараюць і падмацоўваюць мосцікі паміж цэлымі краінамі.

Акадэмік Пётр Віцязь, які таксама з’яўляецца намеснікам старшыні МААН, распавёў пра дзейнасць саветаў МААН і планах на святочныя дні.

— Ва ўсе часы, нягледзячы на нейкія непаразуменні, навуковая дыпламатыя ўсталёўвала сувязі паміж народамі, не проста ў інтарэсах пэўнай сферы, але дзеля ўсёй нашай планеты, — падкрэсліў ён.

Ад моманту стварэння МААН прыкладае намаганні для каардынацыі і сістэматызацыі дзейнасці навукоўцаў свету: арганізуе канферэнцыі, міжнародныя праекты, стварае сумесную базу ведаў. Дзейнасць няспынна пашыраецца, як геаграфічна, так і сутнасна. Так, на надыходзячых пасяджэннях плануецца зацвердзіць стварэнне двух новых навуковых саветаў: па перспектывах развіцця атамнай энергетыкі і энергетычнай бяспецы і па адукацыі. Вельмі запатрабаванымі сёння ў свеце з’яўляюцца навуковыя распрацоўкі па энергетыцы, медыцыне і ахове здароўя, даследаванні Космаса, супрацьстаянні забруджванню прыроды і змяненню клімату, і гэтыя сферы таксама актыўна развіваюцца ў межах МААН.

Трохдзённая праграма 30-гадовага юбілея ўключае пасяджэнне савета маладых навукоўцаў, пленарнае пасяджэнне, на якім выступяць прадстаўнікі ўсіх краін-сяброў МААН і старшыня асацыяцыі Уладзімір Гусакоў. Таксама некаторым удзельнікам будуць уручаны ўзнагароды, нададзены статусы акадэмікаў МААН. Пройдзе круглы стол кіраўнікоў усіх навуковых саветаў з абмеркаваннем вынікаў работы і планаў на будучыню. Чакаюць, што на 30-годдзе прыедуць прадстаўнікі ўсіх сяброў МААН. Для дэлегацый падрыхтаваны падарункі і сувеніры.

Ганна РОВІНА, студэнтка 4 курса факультэта журналістыкі БДУ

Фота аўтара

Выбар рэдакцыі

Грамадства

Такое рознае малако... Каму якое падыходзіць?

Такое рознае малако... Каму якое падыходзіць?

«Малако — паўнавартасны прадукт харчавання, а не напой, гэта важна ўлічваць».

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.