Вы тут

СПБ перадалі кнігі беларускіх класікаў на татарскай мове


12 жніўня ў Нацыянальнай бібліятэцы Беларусі адбылася сустрэча творчай інтэлігенцыі Рэспублікі Беларусі і Рэспублікі Татарстана. Чырвоная нітка зносін — культурнае супрацоўніцтва паміж рэспублікамі. 


— Дні культуры Татарстана, несумненна, стануць важным этапам у нашым двухбаковым культурным супрацоўніцтве, — адзначыў Міністр культуры Рэспублікі Беларусь Анатоль Маркевіч. — 2023-ы аб’яўлены ў Беларусі Годам міру і стваральнай працы. Трагічныя падзеі Вялікай Айчыннай вайны знайшлі адлюстраванне ў сумесных беларуска-расійскіх праектах. Мы ніколі не робім паўзы ў гэтай працы. Бачым велізарны патэнцыял у сумесных праектах на патрыятычную тэму. Наш народ выказвае сваю цвёрдую пазіцыю па недапушчэнні рэабілітацыі нацыстаў і іх памагатых, выступае супраць перагляду святых для нашай памяці старонак гісторыі, супраць фарміравання і распаўсюджвання хлуслівых фальшывак, якія не адпавядаюць гістарычнаму развіццю нашых краін і адмаўляюць сапраўдныя духоўныя каштоўнасці.

 

— Свет вельмі моцна змяняецца, і сфера культуры вельмі востра рэагуе на ўсе змены і выклікі, якія сёння ёсць у сучасным свеце. Я згодна з маім калегам Анатолем Мечыслававічам: адна з нашых задач — недапушчэнне тэндэнцыі да рэабілітацыі фашызму і перапісвання гісторыі. Па сутнасці, культурная сфера — гэта сфера ідэалогіі. Толькі ў цесным супрацоўніцтве паміж рознымі ўстановамі мы зможам быць упэўненымі ў заўтрашнім дні. Нам у спадчыну засталіся агульначалавечыя каштоўнасці. 16 гадоў я працую ў сферы культуры і магу сказаць, што такой падтрымкі нашай сферы не было ніколі, гэта проста беспрэцэдэнтны ўзровень, — акцэнтавала міністр культуры Рэспублікі Татарстан Ірада Аюпава.

Першы намеснік старшыні Саюза пісьменнікаў Беларусі Алена Стэльмах прапанавала пісьменнікам з Татарстана, прысутным на сустрэчы, шэраг сумесных мерапрыемстваў, накіраваных на канструктыўнае ўзаемадзеянне паміж пісьменнікамі і паэтамі дзвюх краін, і ўручыла намесніку старшыні Саюза пісьменнікаў Рэспублікі Татарстан Рыфату Курбанаву памятны знак Саюза пісьменнікаў Беларусі. 

 

У знак удзячнасці Рыфат Курбанаў перадаў кнігі беларускіх класікаў, перакладзеных з беларускай на татарскую мову.

У канцы сустрэчы былі падпісаны пагадненні паміж дзяржаўным гісторыка-архітэктурным і мастацкім музеем-запаведнікам «Казанскі Крэмль» і замкавым комплексам «Мір», Нацыянальным музеем Рэспублікі Татарстан і вядучымі музеямі нашай краіны: Нацыянальным гістарычным музеем Рэспублікі Беларусь, Нацыянальным мастацкім музеем Рэспублікі Беларусь, Беларускім Дзяржаўным музеем гісторыі Вялікай Айчыннай вайны.

 

 

Віктар ІВАНЧЫКАЎ

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?