Вы тут

Лепшыя пастаноўкі Качалаўскага тэатра пакажуць у Мінску ўпершыню


Учора ў Нацыянальным акадэмічным тэатры імя Янкі Купалы адбылася прэс-канферэнцыя, прысвечаная прыезду трупы Казанскага акадэмічнага рускага Вялікага драматычнага тэатра. 


Фота аўтара

Артысты аднаго са старэйшых тэатраў Расіі ўпершыню прыехалі ў Беларусь і ў перыяд з 12 па 26 верасня пакажуць гледачам Купалаўскага тэатра свае лепшыя пастаноўкі: «Рэвізор», «Пыл у вочы», «Скрыпач на даху», «Шалёны дзень, або Жаніцьба Фігара» і іншыя. 

— Адметнасць п’есы «Рэвізор» у тым, што яе звычайна ставяць як вадэвіль, злую або добрую камедыю, у ёй насміхаюцца з персанажаў, — расказаў акцёр Качалаўскага тэатра Ілья Славуцкі. — Дырэктар і мастацкі кіраўнік нашага тэатра, Аляксандр Славуцкі, увёў цікавую рэч у спектакль: ён не аддзяляе нас ад іх, акцёраў ад гледачоў. Гэта не нейкія выдуманыя персанажы, а звычайныя людзі, мы з вамі, якія імкнуцца пражыць жыццё як мага лепш. У нас тыя ж самыя боязі, асцярогі і тая ж любоў. Наш спектакль досыць паэтычны, кранальны. Гледачы напрыканцы звычайна плачуць. Паглядзім, якія пачуцці выклікае пастаноўка ў аматараў Купалаўскага тэатра.

Акцёры Купалаўскага тэатра ў кастрычніку наведаюць Казань для ўдзелу ў III Качалаўскім тэатральным фестывалі, дзе прадставяць нашу нацыянальную класіку — спектакль «Паўлінка». 

— Цікавая гісторыя звязана з гэтай пастаноўкай, — адзначыў генеральны дырэктар тэатра імя Янкі Купалы Аляксандр Шастакоў. — Яе рэжысёр Леў Літвінаў працаваў у розныя гады рэжысёрам у Купалаўскім, а затым у Качалаўскім тэатрах. Вось такая цікавая атрымалася сувязь паміж імі. Што дзіўна, не патрэбны ніякі пераклад спектаклю для замежных гледачоў, інтуітыўна зразумела дзеянне, якое адбываецца на сцэне.

Яна ВАЛАСАЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?