Вы тут

Колькасць дзікіх амурскіх тыграў у Кітаі ўзрасла ўтрая


Колькасць дзікіх амурскіх (маньчжурскіх) тыграў, якія жывуць на тэрыторыі Кітая, складае каля 60 жывёл, перадае «Жэньмінь жыбаа» анлайн».


Яна павялічылася з прыкладна 20 тыграў у 90-х гадах мінулага стагоддзя, пры гэтым арэал іх распаўсюджвання працягвае пашырацца. Аб гэтым сведчаць дадзеныя Дзяржаўнага ўпраўленнем лясной і стэпавай гаспадаркі.

Амурскі тыгр адносіцца да відаў жывёл, якія знаходзяцца пад пагрозай знікнення. Для іх абароны і выратавання кітайскія ўлады прыклалі вялікія намаганні, у тым ліку заснавалі Кітайскі цэнтр па ўтрыманні і развядзенні буйных каціных «Хэндаахэцзы» і стварылі на стыку правінцый Цзілінь і Хэйлунцзян Нацыянальны парк амурскіх тыграў і далёкаўсходніх леапардаў.

Цэнтр «Хэндаахэцзы» з’яўляецца найбуйнейшай у свеце базай па развядзенні і ўтрыманні амурскіх тыграў у штучных умовах. Ён быў заснаваны ў 1986 годзе. Тады там было ўсяго 8 паласатых драпежнікаў. Дзякуючы шматгадоваму навукова абгрунтаванаму ўтрыманню і развядзенню, колькасць жывёл тут перавысіла тысячу асобін. Як адзначыў галоўны інжынер цэнтра Лю Дань, адной з мэтаў утрымання і развядзення амурскіх тыграў у штучных умовах з’яўляецца наступны выпуск іх у дзікую прыроду. «Мы плануем стварыць больш прасунутую зону для падрыхтоўкі тыграў да выпуску ў дзікую прыроду, каб павысіць іх здольнасці па здабыванні ежы і размнажэнні ва ўмовах дзікай прыроды, — паведаміў Лю Дань. — У будучыні мы будзем адбіраць сярод амурскіх тыграў, якія змяшчаюцца ў штучных умовах, асобін, якія асабліва вылучаюцца здольнасцямі для выжывання ў дзікай прыродзе, і выпускаць іх з мэтай папаўнення папуляцыі амурскіх тыграў, абнаўляць і паляпшаць генафонд, і такім чынам спрыяць, каб развіццё іх папуляцыі было здаровым, стабільным і ўстойлівым».

Дзякуючы гэтым мерам асяроддзе пасялення амурскіх тыграў у Кітаі бесперапынна паляпшаецца. Дадзеныя сведчаць, што арэал распаўсюджвання гэтых жывёл у КНР пашырыўся ад лясных масіваў гары Чанбайшань да тэрыторый акруг Вялікі і Малы Хінган.

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.