Вы тут

Карал, лаванда і сонечнае ззянне. Трэнды летняга манікюру


Сярод нейл-дызайнаў гэтага лета як яркія і кідкія фарбы, так і далікатна-пастэльная гама. Выбірайце на свой густ.


 

Фота: pexels.com

Улетку на вяршыню трэндаў у ногцевым дызайне звычайна падымаецца Яе Вялікасць Яркасць. Не выключэнне і сезон 2023 года. Палітра колераў вельмі шырокая і разнастайная, а іх спалучэнні незвычайныя: да прыкладу, ружовы прапануецца камбінаваць з зялёным, жоўты — з фіялетавым. Можна зрабіць рознакаляровы манікюр, выкарыстоўваючы некалькі актуальных колераў адразу. І, вядома, заўсёды ў трэндзе застаюцца класічныя варыянты.

У стылі Барбі

Сапраўдны каралеўскі колер гэтага сезона — ружовы. Можна выбраць розныя яго адценні. Жаноцкі і дзёрзкі, гэты колер напоўніць вас энергіяй і бадзёрасцю. Жанчына, якая носіць такі манікюр, ведае сабе цану! Аматаркі адпавядаць сусветным модным трэндам могуць звярнуць увагу на колер Viva Magenta, малінава-чырвоны, колер 2023 года па версіі экспертаў.

Клубнічнае марожанае і матча

Сярод навінак сезона стылісты называюць варыянты, якія нібыта перабраліся на пазногці з меню кафэ. Гэта манікюр колеру клубнічнага марожанага, які, як запэўніваюць, асвяжыць у летнюю спякоту не горш за сам ласунак. Аматаркі эксперыментаваць са сваім вобразам могуць паспрабаваць адценне, якое нагадвае матча — сорт зялёнага чаю, адкрытага тысячагоддзе таму будыйскімі манахамі.

Загадка каралавага рыфа

Манікюр колеру карала глядзіцца вельмі стыльна і па-жаноцку. Гэта глыбокае, насычанае адценне асвяжыць ваша аблічча і надасць яму выразнасці і загадкавасці. У той жа час колер дастаткова строгі і падыдзе жанчынам любога ўзросту і статусу. А прыхільніцы смелых б’юці-рашэнняў могуць гэтым летам камбінаваць каралавы з бірузовым.

Лаванда, фіялка, бэз

Кветкавыя адценні фіялетавага — цудоўны трэнд гэтага лета. Высакародны стрыманы колер раскажа пра вас як пра спакойную і ўпэўненую ў сабе жанчыну, а ў спякотны летні дзень нагадае пра вячэрнюю прахалоду. Вытанчанасць манікюру ў адценнях лаванды, бэзу, фіялкі не падлягае сумненню. А яго перавага ў тым, што гэты колер падыходзіць для самых розных нагод — як кажуць, і на банкет, і ў свет.

Блакітная хваля

Яшчэ адзін трэнд лета — зіхатлівы колер блакіту, які нагадвае аб адпачынку на марскім узбярэжжы. Нечаканай такую тэндэнцыю не назавеш: марская тэматыка стукаецца ў дзверы салонаў манікюру, як правіла, у адпускны сезон. Некаторыя дзяўчаты любяць маляваць на пазногцях сінія і белыя палоскі, якія нагадваюць цяльняшку.

Вытанчаны мінімалізм

Некаторыя жанчыны аддаюць перавагу вытанчанаму мінімалізму. Ідэальна адпавядае гэтаму трэнду белы манікюр. Часам яго ўпрыгожваюць золатам, маленькімі кветачкамі, што выглядае нязменна дорага і стыльна. Белы ў спалучэнні з бэжавым нагадае яшчэ аб адным напоі — капучына.

Залатое сонца

Бананавы, цытрынавы — усе сонечныя жыццярадасныя адценні зараз актуальныя. Асабліва прыемна насіць такі манікюр у горадзе, калі няма магчымасці пайсці ў адпачынак у летнія месяцы. Жоўты колер у нейл-дызайне даўно перастаў быць чымсьці незвычайным, і ўсё ж не кожная дама абярэ такі манікюр. Кіруйцеся сваім густам. 

Упрыгожванні

Сярод упрыгожванняў для пазногцяў, модных у гэтым сезоне, — стразы, «кропелькі вады», бліскаўкі, золата, жамчужныя пацеркі, разнастайныя налепкі.

Агата СЛАВІНА

Выбар рэдакцыі

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.