Вы тут

У правінцыі Цінхай знайшлі старажытныя наскальныя малюнкі


Тры месцы з наскальнымі малюнкамі знойдзены ў басейне ракі Тунцянь у раёне вытоку Янцзы на тэрыторыі правінцыі Цінхай (Паўночна-Заходні Кітай). Аб гэтым паведамілі ў Даследчым інстытуце гісторыі і культуры горада Юйшу, перадае «Жэньмінь жыбаа» анлайн».


Тунцянь з’яўляецца ўчасткам найбуйнейшай у Кітаі ракі Янцзы ў верхнім яе цячэнні і знаходзіцца ў Юйшу-Тыбецкай аўтаномнай акрузе. Як паведаміў дырэктар даследчага інстытута Джамьянг Німа, усяго ў гэтым раёне было знойдзена 59 месцаў з наскальнымі малюнкамі, і ўзрост самых ранніх налічвае прыкладна 3200 гадоў.

36 наскальных малюнкаў на гэты раз былі знойдзены на сярэдняй вышыні больш чым 3800 метраў над узроўнем мора. Стыль выяваў адлюстроўвае качавы лад жыцця ў паўночных стэпах. Большасць з іх — малюнкі фігур жывёл. 

Наскальныя малюнкі ў басейне ракі Тунцянь адрозніваюцца мноствам вобразаў. Акрамя чалавечых фігур таксама можна ўбачыць выявы жывёл, такіх як які, алені, ваўкі, тыгры, леапарды, авечкі, сабакі, коні і вярблюды, а таксама выявы двухколавых транспартных сродкаў і розныя сімвалы.

Эксперты мяркуюць, што знаходка паслужыць важнай асновай для вывучэння культуры ў раёне вытокаў ракі Янцзы.

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.