Вы тут

Крупко правёў прыём грамадзян У Гомелі


Перабоі з водазабеспячэннем у адным з аграгарадкоў Гомельскага раёна, магчымасць атрымання жылля сацыяльнага карыстання ў абласным цэнтры — гэтыя тэмы ўздымалі 5 ліпеня жыхары Гомельскага рэгіёна на прыёме грамадзян, які правёў старшыня Гомельскага аблвыканкама Іван Крупко, перадае БелТА.


Фота: БелТА

Вясковец з аграгарадка Бабовічы Гомельскага раёна паскардзіўся на перабоі з водазабеспячэннем. «Калі стаіць спякота, адчыняеш кран, вады альбо наогул няма, альбо напор настолькі маленькі, што ні кацёл для падагрэву не можа падлучыцца, ні пральная машына, ні нават шклянку вады не набярэш», — апісаў становішча спраў мужчына. Ён дадаў, што тэлефанаваў у службы, аднак там патлумачылі: такая сітуацыя складваецца праз тое, людзі паліваюць агароды.

Як адзначыў старшыня Гомельскага райвыканкама Дзмітрый Козел, для вырашэння пытання ўжо падключана другая свідравіна. Заяўнік прызнаў: цяпер, калі пайшлі дажджы, напор ёсць. Аднак праверыць другую свідравіну ў гарачых умовах магчымасці не было.

Дырэктар КВУП «Гомельводаканал» Аляксандр Шчадоў дадаў, што ў аграгарадку праводзілі і працы на станцыі абезжалезвання. У чэрвені іх скончылі.

«Пытанне бярэм на кантроль», — адказаў заяўніку Іван Крупко.

«Паглядзіце магутнасці помпы, магутнасці другой свідравіны. Стварыце брыгаду і прайдзіце па домаўладаннях, каб выключыць несанкцыянаваныя ўрэзкі ў сістэму», — даў даручэнне службам губернатар. Калі будзе бескантрольны разбор вады, то будуць і скаргі, падкрэсліў ён.

Гамяльчанка звярнулася з пытаннем аб сацыяльнай кватэры. Жанчына жыве з 33-гадовым сынам-інвалідам з дзяцінства. У гараджанкі ва ўласнасці ёсць аднапакаёвая кватэра — крыху больш за 25 кв. м. Сям’я знаходзіцца на ўліку маючых патрэбу ў паляпшэнні жыллёвых умоў. Сыну прапаноўвалі арэндную кватэру, аднак жанчына хацела б, каб ён атрымаў сацыяльную. Як было растлумачана на прыёме, калі ў сям’і ёсць дзеці-інваліды да 18 гадоў, то можна прэтэндаваць на сацыяльнае жыллё, аднак у сям’і заяўніцы цяпер такога права няма.

«У законе дакладна вызначана, хто можа атрымліваць сацыяльнае жыллё, а хто арэнднае. Калі вы вырашыцеся на арэнднае, у горадзе вам дапамогуць з варыянтамі», — адзначыў губернатар.

Яшчэ шэраг пытанняў, якія цікавяць жыхароў рэгіёна, быў разгледжаны напярэдадні прыёму.

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.