Вы тут

«Я люблю чытаць»: Скарбы ад Змітрака Бядулі


Папулярнасцю сярод самых юных чытачоў краіны карыстаецца серыя «Я люблю чытаць».


Заснаваная ў 2020 годзе ў выдавецтве «Мастацкая літаратура», яна прадстаўляе творы класікаў, адрасаваныя хлопчыкам і дзяўчынкам, усё лепшае, што ёсць у беларускай дзіцячай літаратуры. Адна з кніг — зборнік казак Змітрака Бядулі «У кузне ў хохліка». Пэўна, як па сённяшнім часе, то і патлумачыць трэба: хохлік — у славянскім фальклоры малое чарцяня, памочнік дамавіка. А дамавічкоў малыя вельмі любяць!.. У Янкі Купалы, напрыклад, ёсць верш — «Хохлік»: «Як зайграе ў лесе хохлік, — / Замірае песень воклік;/ Як зачэпіць мох і лозы, — / Аджываюць смех і слёзы...» 

У зборнік казак Змітрака Бядулі ўвайшлі наступныя творы: «Скарб» (у гэтай казцы якраз і жыве хохлік), «Музыка», «Бліночак з неба», «Іванка-прасцячок». Прыгожая мова, займальныя сюжэты — усё гэта разам з адметнымі, выразнымі ілюстрацыямі кніжнага графіка Даны Цюперак прывабліваюць, прымушаюць затрымліваць увагу на кожнай старонцы, чытаць і разглядаць старонкі кнігі зусім няспешна. Асалода неверагодная! Часцей бы адбываліся такія сустрэчы з роднай беларускай кнігай!.. 

Тыраж кнігі Змітрака Бядулі «У кузні ў хохліка» — 1500 экзэмпляраў. Укладальнік зборніка — вядомая пісьменніца і кніжны рэдактар Аксана Спрынчан. 

Кнігу можна набыць у крамах ААТ «Белкніга» па ўсёй краіне і ў кніжнай краме «Акадэмкніга» у Мінску па адрасе: Праспект Незалежнасці, 72. 

Прыемнага чытання! 

Мікола БЕРЛЕЖ

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.