Вы тут

ЦЭ па прадмеце на выбар у рэзервовы дзень здадуць 102 выпускнікі


Цэнтралізаваны экзамен па прадмеце на выбар у рэзервовы дзень здадуць 102 выпускнікі. Пра гэта БелТА паведаміў дырэктар Рэспубліканскага інстытута кантролю ведаў Юрый Міксюк.


«На 25 мая здаваць цэнтралізаваны экзамен зарэгістравана ўсяго 102 чалавекі, з іх 24 — на матэматыку, 5 — на фізіку, 2 — на хімію, 17 — на біялогію, 14 — на англійскую мову, 9 — на гісторыю Беларусі, 25 — на грамадазнаўства, 3 — на геаграфію і 3 — на сусветную гісторыю. Умовы і патрабаванні да правядзення экзамену тыя ж, што былі і ў асноўны тэрмін», — распавёў Юрый Міксюк.

Выпускнікоў, якія пішуць ЦЭ, прымуць шэсць пунктаў па краіне — па адным у кожным рэгіёне. Для сталічных 11-класнікаў і з вобласці прадугледжана праходжанне выпрабаванняў на базе Беларускага дзяржаўнага ўніверсітэта, у Магілёве — Беларуска-Расійскага ўніверсітэта. Экзамен у рэзервовы дзень таксама адбудзецца ў Брэсцкім дзяржаўным тэхнічным універсітэце, Віцебскім дзяржаўным тэхналагічным універсітэце, Гомельскім дзяржаўным тэхнічным універсітэце імя П. А. Сухога і Гродзенскім дзяржаўным універсітэце імя Янкі Купалы.

На экзамен дапусцяць толькі пры наяўнасці пашпарта, зарэгістраванага пропуску і ручкі з чорнымі чарніламі, іншыя прадметы забароненыя. Нельга фальсіфікаваць даныя ў галіне рэгістрацыі бланка адказаў, мяняцца месцамі ў аўдыторыі, экзаменацыйнымі матэрыяламі, карыстацца дапамогай іншых удзельнікаў. Пакараюць за ўнясенне інфармацыі ў бланк адказаў пасля заканчэння часу экзамену, за наяўнасць пры сабе сродкаў сувязі, электронна-вылічальнай тэхнікі, фота-, аўдыё- і відэаапаратуры, а таксама шпаргалак на любых носьбітах, іншых прылад прыёму, захоўвання і перадачы інфармацыі. Акрамя таго, забаронена выносіць з аўдыторый і пункта правядзення ЦЭ экзаменацыйныя матэрыялы, лісты для рабочых запісаў, пісьмовыя нататкі, фатаграфаваць экзаменацыйныя матэрыялы, размаўляць паміж сабой у аўдыторыях, абменьвацца чым-небудзь з іншымі ўдзельнікамі ЦЭ, адвольна выходзіць з аўдыторыі і перамяшчацца па пункце правядзення без суправаджэння педработніка. Парушальнікі будуць выдаленыя і пазбавяцца магчымасці паступіць у ВНУ.

Інфармацыю аб выніках ЦЭ можна будзе атрымаць на сайце Рэспубліканскага інстытута кантролю ведаў. Сертыфікат ўдзельніку выдадуць у яго ўстанове агульнай сярэдняй адукацыі пад подпіс пры прад’яўленні дакумента, які сведчыць асобу.

Прэв’ю: БелТА

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».