Вы тут

Прымералі на сябе медыцынскую прафесію


Навучэнцы сталічных школ наведалі 25-ю гарадскую паліклініку, дзе ў рамках прафарыентацыі пазнаёміліся з прафесіяй медыцынскай сястры, а таксама на свае вочы ўбачылі, як працуе дэфібрылятар і як правільна знімаць электракардыяграму, як карыстацца мяшком Амбу (механічнае прыстасаванне для часовай вентыляцыі лёгкіх) і як аказаць неадкладную дапамогу, калі некаму побач раптам зрабілася дрэнна.


Традыцыйна такія сустрэчы праводзяцца ў маі ў дзень адчыненых дзвярэй.

— Мы іх праводзім як на базе паліклінікі, так і на базе ўстаноў адукацыі, для таго каб зацікавіць школьнікаў прафесіяй медыцынскага работніка. Сёння мерапрыемства было прысвечана прафесіі медыцынскай сястры, а таксама іншых медыцынскіх работнікаў з сярэдняй медыцынскай адукацыяй: фельчара, лабаранта, рэнтген-лабаранта, памочніка ўрача, — кажа галоўная медыцынская сястра 25-й гарадской дзіцячай паліклінікі, галоўны пазаштатны спецыяліст па арганізацыі работы медыцынскіх работнікаў з сярэдняй спецыяльнай медыцынскай і фармацэўтычнай адукацыяй Міністэрства аховы здароўя Алена КОТАВА.

На мерапрыемства прыйшлі вучні 9-х класаў школ, размешчаных у раёне абслугоўвання паліклінікі, — 157-й і 12-й.

— З сёлетняга навучальнага года адноўлена навучанне на аснове базавай адукацыі ў чатырох медыцынскіх каледжах нашай краіны — сталічным, Аршанскім, Гродзенскім і Брэсцкім. Набор склаў 320 навучэнцаў, і станоўчых момантаў тут некалькі, у тым ліку лепшае замацаванне спецыялістаў у прафесіі, — кажа Алена Котава.

Спецыяліст расказала школьнікам і пра магчымасці мэтавай падрыхтоўкі. У прыватнасці, штогод такі набор будзе павялічвацца згодна з канцэпцыяй развіцця сястрынскай справы на 2021—2025 гады і да 2025 года мусіць скласці да 60 % адведзенага на бюджэтныя месцы.

— Што дае мэтавы набор? Гэта гарантаванае першае працоўнае месца, замацаванне спецыяліста ва ўстанове, якая дала мэтавае накіраванне. Гэта плюс для спецыяліста. Ён прыходзіць у паліклініку і за ім замацоўваецца настаўнік з ліку вопытных супрацоўнікаў, якія дапамагаюць асвоіцца з прафесіяй. Затым мы накіроўваем спецыяліста на далейшае навучанне, бо ў медыцыне немагчыма аднойчы атрымаць адукацыю і спыніцца. Для маладога спецыяліста гэта стымул прайсці атэстацыю, атрымаць кваліфікацыйную катэгорыю, — расказала галоўная медыцынская сястра.

Самай цікавай для школьнікаў стала практычная частка, падчас якой паказалі і расказалі пра аддзяленні паліклінікі, а некаторыя ўзоры вырабаў медыцынскага прызначэння і медыцынскай тэхнікі можна было нават прымяніць. Цяпер школьнікі ведаюць, як працуе дэфібрылятар, як правільна знімаць электракардыяграму, як карыстацца мяшком Амбу і як аказаць неадкладную дапамогу, калі нехта побач страціў прытомнасць.

Алена КРАВЕЦ

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.