Вы тут

Надвор'е: Май парадуе цяплом — на наступным тыдні прыгрэе да 27


Да канца тыдня ў нас будзе панаваць скандынаўскі антыцыклон з цэнтрам над тэрыторыяй Беларусі. Менавіта таму ў краіне захаваецца пераважна сухое і сонечнае надвор'е, пры гэтым з кожным днём тэмпературны фон будзе павышацца і ўвойдзе ў свае кліматычныя рамкі, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: .pexels.com

Цяплець пачне нават у цёмны час сутак, верагоднасць начных замаразкаў захаваецца толькі ноччу на чацвер і пятніцу. У далейшым ночы ў Беларусі стануць цяплейшымі, а дзённы прагрэў працягне павялічвацца.

Ужо ў чацвер чакаецца пераважна без ападкаў, толькі днём месцамі па ўсходзе краіны пройдуць невялікія кароткачасовыя дажджы, магчымыя навальніцы. Тэмпература паветра ўначы складзе плюс 1—7 градусаў. Месцамі, а па Гродзенскай, Брэсцкай і Гомельскай абласцях — на большай частцы тэрыторыі, прагназуюцца замаразкі да мінус 3 градусаў. Днём паветра прагрэецца да 16—22 цяпла.

І ў пятніцу надвор'е будзе пераважна без ападкаў. Тэмпература начнога паветра будзе ў межах ад 1 да 8 цяпла, месцамі замаразкі ад 0 да мінус 2 градусаў. Днём чакаецца ў раёне 17—22 градусаў вышэй за нуль.

Не чакаецца ападкаў у суботу і нядзелю. Калі ў суботу ўначы яшчэ будзе халаднавата (тэмпература паветра апусціцца да 4—9 цяпла), то ў нядзелю ў начны час будзе ўжо плюс 6—13 градусаў. У гэтыя дні павышацца пачне і дзённая тэмпература. У суботу днём слупок тэрмометра паднімецца да 19—24 градусаў, а ў нядзелю — да 20—25 цяпла.

Паводле папярэдняга прагнозу айчынных сіноптыкаў, у пачатку наступнага тыдня да майскага цяпла дададуцца кароткачасовыя дажджы з навальніцамі. Але, нягледзячы на ападкі, стане яшчэ цяплей. У панядзелак ноччу надвор'е прагназуецца пераважна без ападкаў, а ўдзень месцамі пройдуць кароткачасовыя дажджы, магчымыя навальніцы. Уначы чакаецца 7—14 градусаў цяпла. Днём паветра прагрэецца да плюс 20—27 градусаў. А вось гэта ўжо сапраўды падобна на гарачы май.

Сіноптыкі лічаць, што ў аўторак тэмпературныя максімумы нас адпусцяць. Але толькі злёгку. У гэты дзень ноччу месцамі, а днём на большай частцы тэрыторыі краіны пройдуць кароткачасовыя дажджы. У дзённыя гадзіны ў асобных раёнах прагназуюцца навальніцы. Тэмпература паветра ўначы будзе вагацца ад 7 да 14 цяпла. Удзень яна дасягне плюс 16—23 градусаў, месцамі — да плюс 26 градусаў. Цалкам камфортная для мая тэмпература.

Сяргей КУРКАЧ

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.