Вы тут

Сістэма стратэгічнага стрымлівання — важны складнік абноўленай Канцэпцыі нацбяспекі


Сістэма стратэгічнага стрымлівання з’яўляецца важным складнікам абноўленай Канцэпцыі нацбяспекі. Аб гэтым заявіў першы намеснік дзяржаўнага сакратара Савета бяспекі Павел Муравейка, перадае БелТА.


Фота: БелТА

3 мая на базе Навукова-даследчага інстытута Узброеных Сіл адбылася чарговая дыскусійная пляцоўка па абмеркаванні праекта абноўленай Канцэпцыі нацыянальнай бяспекі. У мерапрыемстве прынялі ўдзел Павел Муравейка, а таксама начальнік Генеральнага штаба Узброеных Сіл — першы намеснік міністра абароны Віктар Гулевіч.

Павел Муравейка праінфармаваў прысутных аб змяненнях, якія зведаў дакумент стратэгічнага планавання з улікам новых выклікаў і пагроз. «Вы самі бачыце, наколькі абвастрылася сёння сітуацыя ў свеце. Глабальная геапалітычная напружанасць, няздольнасць міжнародных арганізацый забяспечыць стратэгічную стабільнасць перад новымі выклікамі, чарговы віток гонкі ўзбраенняў, пагроза распрацоўкі біялагічнай зброі і рызыкі яе бескантрольнага распаўсюджвання — далёка не поўны пералік негатыўных тэндэнцый, якія ўплываюць сёння на міжнародную і рэгіянальную бяспеку. Безумоўна, усе яны адлюстраваны ў абноўленай Канцэпцыі», — звярнуўся да прысутных Павел Муравейка.

Фота: Міністэрства абароны

З улікам змяненняў, якія адбываюцца, вызначаны нацыянальныя інтарэсы Беларусі, дадаў ён, у тым ліку сфармуляваны новыя: «У прыватнасці, упершыню да стратэгічных нацыянальных інтарэсаў аднесена ўсямерная абарона народа Беларусі як унікальнай гістарычнай супольнасці і адзінай крыніцы дзяржаўнай улады. Акрамя таго, у Канцэпцыі ўдакладнены мэты, задачы і прынцыпы забеспячэння нацыянальнай бяспекі, прапрацаваны асноўныя напрамкі нейтралізацыі ўнутраных крыніц пагроз і абароны ад знешніх пагроз нацыянальнай бяспецы. Канкрэтызаваны алгарытм функцыянавання сістэмы забеспячэння нацыянальнай бяспекі ў рамках антыкрызіснага рэагавання».

У гутарцы з журналістамі Павел Муравейка адзначыў, што ўдзельнікаў дыскусійнай пляцоўкі ў першую чаргу цікавілі навацыі ў ваеннай сферы, дзе асаблівы акцэнт зроблены на захаванні стабільнасці, рэалізацыі мерапрыемстваў у рамках сістэмы стратэгічнага стрымлівання, гатоўнасці грамадзян да абароны Айчыны.

«Перагледжаны таксама пералік індыкатараў для ацэнкі стану нацыянальнай бяспекі па ўсім спектры рызык, выклікаў і пагроз, у тым ліку ў ваеннай сферы. Вызначальнымі стануць стан ваенна-палітычнай абстаноўкі, гатоўнасць ваеннай арганізацыі дзяржавы да выканання задач па забеспячэнні ваеннай бяспекі, а таксама ўзровень ваеннай моцы краіны», — падкрэсліў першы намеснік дзяржаўнага сакратара Савета бяспекі.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.