Вы тут

Пачалася адпраўка грамадзян Беларусі ў злучэнні і воінскія часці Узброеных Сіл


Пачалася адпраўка грамадзян Рэспублікі Беларусь, прызваных на тэрміновую ваенную службу, у злучэнні і воінскія часці Узброеных Сіл, унутраных войскаў Міністэрства ўнутраных спраў, органаў пагранічнай службы і дзяржаўнай бяспекі. 


Прызыў грамадзян на тэрміновую ваенную службу, службу ў рэзерве ў лютым — маі 2023 года ажыццяўляецца ў адпаведнасці з Указам Прэзідэнта № 19 ад 24 студзеня 2023 года. Выкліку на прызыўныя камісіі падлягае каля 40 тысяч маладых людзей. У войскі плануецца накіраваць каля 10 тысяч чалавек.

Мітынг, прысвечаны адпраўцы новага папаўнення ва Узброеныя Сілы і іншыя воінскія фарміраванні, адбыўся і ў сталічным музейна-паркавым комплексе «Перамога». Звыш ста прызыўнікоў папоўнілі шэрагі Мінскай ваеннай камендатуры, 72-га Аб’яднанага навучальнага цэнтра падрыхтоўкі прапаршчыкаў і малодшых спецыялістаў, сіл спецыяльных аперацый.

Як адзначыў ваенны камісар горада Мінска палкоўнік Аляксей Калыванаў, усяго па выніках мерапрыемстваў прызыву на тэрміновую ваенную службу і службу ў рэзерве са сталіцы будзе накіравана каля 1800 прызыўнікоў. «Для будучых ваеннаслужачых і іх бацькоў гэты дзень застанецца ў памяці надоўга, — заўважыў ваенны камісар. — На гэтай плошчы сабраліся сапраўдныя патрыёты, людзі, якія ў выпадку чаго будуць абараняць нашу краіну».
Цырымонія прыняцця Ваеннай прысягі адбудзецца 20 мая. 

Вераніка КАНЮТА

Фота Віктара ІВАНЧЫКАВА

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.