Вы тут

У Мінску ўзнагароджвалі пераможцаў конкурсу «Жанчына года — 2022»


Урачыстая цырымонія прайшла ў храме-помніку ў гонар Усіх Святых і ў памяць аб ахвярах, якія выратаванню Айчыны нашай паслужылі.


«У гэтай зале няма выпадковых людзей. Гэта прадстаўніцы абсалютна розных прафесій і галін, але іх усіх аб’ядноўвае тое, што яны неабыякавыя да таго, што робяць. І ўвесь свой час яны аддаюць не толькі сваёй асноўнай рабоце, але і грамадскай дзейнасці», — адзначыла старшыня БСЖ Вольга Шпілеўская.

Без стваральнай ролі і місіі жанчыны развіццё проста немагчымае, падкрэсліла, выступаючы перад прысутнымі, старшыня Савета Рэспублікі Наталля Качанава. «На працягу многіх гадоў я прымаю ўдзел у гэтай урачыстай цырымоніі, і заўсёды ў мяне асаблівае хваляванне ў душы, таму што сапраўды мы сустракаемся з аднадумкамі — тымі, хто любіць нашу краіну, народ, цэніць усё, што дасягнула наша родная Беларусь за гады свайго суверэнітэту і незалежнасці, цалкам падтрымлівае палітычны кірунак нашай краіны, палітычны курс, які праводзіць Прэзідэнт, — сказала Наталля Качанава. — Прэзідэнт сапраўды заўсёды з намі. Аляксандр Рыгоравіч заўсёды гаворыць: „Я па-асабліваму цаню і стаўлюся да жанчын“. Таму што краіна у нас такая цудоўная, таму што Прэзідэнт у нас такі цудоўны».

«Усё, што робіцца ў краіне, накіравана на карысць чалавека, на развіццё краіны, каб толькі мір і спакой былі ў нашых дамах. Каб нашы жанчыны маглі рэалізоўваць усё, што задумалі, — нараджаць дзяцей, выхоўваць, вучыць, рэалізоўваць прафесійныя магчымасці. Сёння сабраліся менавіта такія жанчыны, якія сваёй неабыякавай грамадзянскай пазіцыяй робяць усё, каб захаваць мір і спакой, каб наша краіна развівалася. Нізкі паклон, словы ўдзячнасці і падзякі вам за тое, што вы робіце для краіны.Гэта вельмі важна,» — адзначыла старшыня Савета Рэспублікі, дадаўшы, што з кожным годам рады Беларускага саюза жанчын прырастаюць актыўнымі, ініцыятыўнымі, мэтанакіраванымі жанчынамі, адданымі свайму народу і краіне.

«Няма той сферы ў нашай краіне, у якой бы нашы жанчыны не прымалі самы актыўны ўдзел: ад выхавання дзяцей да абароны дзяржавы, — сказаў намеснік кіраўніка Адміністрацыі Прэзідэнта Ігар Луцкі. — Нягледзячы на прафесійную занятасць, вы ўдзяляеце шмат увагі, вядома ж , і грамадскаму жыццю. Мы бачым гэта не толькі ў вашым удзеле ў Беларускім саюзе жанчын. Мы бачым, які актыўны ўдзел вы прымаеце ў выбарчых кампаніях, проста аддаючы сябе людзям».

«Здароўе нацыі, наша дэмаграфія, вядома ж, перш за ўсё залежаць ад вас. Мне хочацца пажадаць, каб вы больш увагі надавалі свайму здароўю. І не проста такая меркантыльная просьба — выхаваць дзяцей, каб яны любілі сваю радзіму, каб потым яны маглі нарадзіць і выхаваць сваіх дзяцей. У нас няпростая дэмаграфічная абстаноўка.І мне здаецца, што ўсе прысутныя ў гэтай зале павінны ўзяць на сябе абавязацельства — ну, хто як не жанчына жанчыне можа параіць і накіраваць на шлях праўдзівы, як гаворыцца, — падкрэсліў намеснік кіраўніка Адміністрацыі.- Але за ўсім вашым прафесійным, грамадскім жыццём, актыўнасцю мне хочацца, каб вы найперш паклапаціліся пра сваё здароўе. Моцнага вам здароўя».

На цырымоніі названы пераможцы ў намінацыях «Паспяховы кіраўнік», «Актыўная грамадзянская пазіцыя», «Сэрца аддаю людзям», «Матчына слава», «Гаспадыня вёскі», «Духоўнасць і культура», «Не старэюць душой ветэраны», «Ганарымся і памятаем », «За чалавечнасць і дабрыню».

Паводле БелТА

Фота: БелТА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.