Вы тут

Аляксандр Лукашэнка: «Жанчыны і дзеці — прыярытэт прыярытэтаў»


Прэзідэнт Беларусі Аляксандр Лукашэнка сустрэўся з першай лэдзі Зімбабвэ Аксіліяй Мнангагвай. Жонка Прэзідэнта Зімбабвэ знаходзіцца з візітам у Беларусі ў развіццё дамоўленасцей кіраўнікоў дзяржаў аб супрацоўніцтве ў гуманітарнай галіне. У прыярытэце — сфера мацярынства, дзяцінства, ахова здароўя, дзіцячае харчаванне. Аксілія Мнангагва наведала шэраг прадпрыемстваў і арганізацый Міністэрства аховы здароўя, ААТ «Беллакт» у Гродзенскай вобласці, правяла сустрэчы ў міністэрстве замежных спраў, па лініі Беларускага саюза жанчын, пабывала ў мемарыяльным комплексе «Хатынь».


Фота: БелТА

«Я выконваю просьбу майго сябра Прэзідэнта Эмерсана, каб тыя тэхналогіі, якія сёння запатрабаваны ў вас у Зімбабвэ, там знаходзіліся. І мы гатовы дапамагчы вам рэалізаваць некалькі праектаў па жаданні вашага боку і вашага прэзідэнта па будаўніцтву высокатэхналагічных прадпрыемстваў перш за ўсё ў гуманітарнай сферы», — адзначыў Аляксандр Лукашэнка, вітаючы госцю. Ён расказаў, што Эмерсан Мнангагва прасіў яго дапамагчы стварыць у Зімбабвэ сістэму аналагічную беларускай па родадапамозе, дапамозе нованароджаным і вырашыць праблему дзіцячага харчавання. 

«Словам, жанчыны і дзеці — прыярытэт прыярытэтаў, пра што мне казаў не аднойчы Эмерсан падчас майго візіту ў вашу краіну. І ён мне абяцаў, што за гэтыя праграмы, за іх рэалізацыю будзе адказны вельмі адказны чалавек. Шчыра кажучы, я яго папрасіў, каб гэта былі вы. Дзверы былі адчыненыя ўсюды. Выбірайце, вызначайцеся, пачынайце дзейнічаць», — сказаў беларускі лідар. Ён таксама падкрэсліў, што па просьбе Эмерсана Мнангагвы перагаварыў у Эміратах і Расіі наконт рэалізацыі сумесных праектаў. Аляксандр Лукашэнка расказаў, што ні па адным з напрамкаў не было адмовы. Гэтыя дзве краіны вельмі зацікаўлены ў супрацоўніцтве з афрыканскімі дзяржавамі і перш за ўсё Зімбабвэ.

«Аксілія, вы павінны разумець, тэхналогій у нас хапае. Усё астатняе ў вас ёсць. Галоўнае зараз жаданне і хуткасць. Трэба хутка ўсё гэта рабіць», — падсумаваў Аляксандр Лукашэнка.


У тэму 

«Адчувала сябе як дома»

У размове з журналістамі Аксілія Мнангагва назвала сустрэчу з Прэзідэнтам Беларусі вельмі цёплай і плённай. «Паміж намі не было ні адной закрытай тэмы. Я адчувала сябе як дома, мы абмяркоўвалі абсалютна ўсё. І цяпер я бачу, што наша супрацоўніцтва будзе ісці наперад, таму што ў Прэзідэнта ёсць адна важная якасць, якая ёсць у нас — ён умее працаваць цяжка і доўга. Падчас сустрэчы з Прэзідэнтам, я сказала яму, што ён не толькі бацька для сваёй краіны, але і маці. Таму што я ўбачыла, які клопат ён паряўляе аб сваёй краіне, аб сваім народзе. Мы бачылі, як ён клапоціцца аб дзецях у бальніцах. Яго візіт у нашу краіну быў сапраўды гістарычным. Мы былі вельмі рады прымаць Прэзідэнта Рэспублікі Беларусь у Зімбабвэ», -падзялілася Аксілія Мнангагва. На сустрэчы з кіраўніком дзяржавы абмяркоўвалася супрацоўніцтва ў разнастайных сферах. Гэта медыцына, сельская гаспадарка, горназдабыўная галіна, ад кожнай з якіх залежыць якасць жыцця людзей.

«Так, я прыехала сюды як першая лэдзі сваёй краіны. Але я таксама прыехала сюды і як маці, якая добра ведае, што адбываецца ў сем’ях і як жанчыны ў маёй краіне клапоцяцца аб сваіх сем’ях», — сказаў Аксілія Мнангагва. На сустрэчы з Прэзідэнта Беларусі абмяркоўваліся таксама праграмы абмену і магчымасці навучання зімбабвійскіх спецыялістаў у беларускіх медыцынскіх ВНУ, у галіне сельскай гаспадаркі. Па словах першай лэдзі Зімбабвэ, краіне патрэбна абсталяванне, але таксама патрэбны і спецыялісты. 

Аксілія Мнангагва таксама выказалася за актыўныя кантакты паміж бізнес-коламі дзвюх краін, узаемныя візіты для вывучэння магчымасцей супрацоўніцтва і пошуку новых партнёраў. «Наша краіна атрымае ад гэтага вялікую карысць. Таму што для нас Беларусь — гэта гігант», — сказала яна.

Валерыя СЦЯЦКО

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.