Вы тут

Качанава: Санкцыі для нас не навіна, да нас часта іх прымяняюць


Санкцыі для нас не навіна, да нас часта іх прымяняюць, заявіла ў эфіры тэлеканала «Беларусь 1» старшыня Савета Рэспублікі Наталля Качанава, каментуючы Пасланне Прэзідэнта беларускаму народу і Нацыянальнаму сходу, паведамляе БелТА.


«Санкцыі для нас — не нейкая навіна. Сапраўды, да нас часта ужываюць санкцыі. Таму што, калі краіна развіваецца па сваіх традыцыях і законах, многім гэта не падабаецца. Але разам з тым мы бачым вынікі той палітыкі, якая праводзіцца ў нашай краіне, — адзначыла Наталля Качанава. — Перш за ўсё — заўсёды пра гэта кажа Прэзідэнт — для нас галоўнае эканоміка. Будзе эканоміка — усё астатняе будзе складвацца ўдала. І таму тыя задачы, якія былі пастаўлены Прэзідэнтам па імпартазамяшчэнні, адкрыцці новых вытворчасцяў і прадпрыемстваў у кожным раёне, кожным горадзе, — гэта ж задачы не сённяшняга і нават не ўчарашняга дня. Пра гэта Прэзідэнт гаварыў даўно — што трэба мець свае вытворчасці, прадпрыемствы, свае тэхналогіі, навуку для таго, каб мы маглі жыць так, як лічым патрэбным. І акрамя таго, каб маглі развівацца».

Спікер падкрэсліла: нягледзячы на санкцыйны ціск, беларуская эканоміка развіваецца. «Мы бачым, што эканоміка паказвае тое, што мы сёння можам спакойна жыць і працаваць. У нас дастаткова працоўных месцаў. У нас людзі сёння, якія хочуць зарабіць, — могуць працаваць. Калі ласка, працуйце на прадпрыемствах, у арганізацыях — ёсць працоўныя месцы. Адкрыты магчымасці для пастаўкі сваёй прадукцыі на экспарт. І, вядома, мы павінны захаваць усё тое, што ў нас было, усе нашы вытворчасці і прадпрыемствы, — дапоўніла старшыня Савета Рэспублікі. — Таму ў эканоміцы пытанне нумар адзін — гэта стварэнне новых тэхналогій і вытворчасцяў, імпартазамяшчэнне. Пра што кажа Прэзідэнт. І, вядома, гэта эфектыўная работа нашых прадпрыемстваў».

Прэв’ю: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?