Вы тут

Лукашэнка накіраваў спачуванні прэзідэнтам трох афрыканскіх краін у сувязі з наступствамі цыклона «Фрэдзі»


Прэзідэнт Беларусі Аляксандр Лукашэнка накіраваў спачуванні Прэзідэнту Рэспублікі Мадагаскар Андры Радзуэліне, Прэзідэнту Малаві Лазарусу Чакверы і Прэзідэнту Мазамбіка Філіпе Жасінту Ньюсі ў сувязі з катастрафічнымі наступствамі і гібеллю людзей у выніку трапічнага цыклона «Фрэдзі», паведамілі ў прэс-службе беларускага лідара.


«Стыхійнае бедства забрала жыццё вялікай колькасці людзей, нанесла непапраўную шкоду важным аб’ектам інфраструктуры, тысячы жыхароў вострава засталіся без даху над галавой», — гаворыцца ў спачуванні Прэзідэнту Рэспублікі Мадагаскар.

У пасланні Прэзідэнту Малаві Аляксандр Лукашэнка падкрэсліў, што ў Беларусі засмучаныя катастрафічнымі наступствамі цыклона, якія суправаджаюцца знішчальнай успышкай халеры сярод мясцовага насельніцтва.

«Беларусы глыбока суперажываюць дружалюбнаму мазамбікскаму народу і падзяляюць боль усіх, хто страціў родных і блізкіх у выніку жудаснага стыхійнага бедства», — адзначыў кіраўнік дзяржавы ў спачуванні Прэзідэнту Мазамбіка.

Аляксандр Лукашэнка пажадаў хутчэйшага выздараўлення пацярпелым у гэтых краінах, выказаў словы падтрымкі тым, хто страціў родных і блізкіх.

Прэв’ю: БелТА

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.