Вы тут

Колькасць ДТЗ з удзелам дзікіх жывёл павялічваецца


На жаль, праблема дарожна-транспартных здарэнняў з удзелам дзікіх жывёл у Беларусі не страціла актуальнасці. У 2022 годзе такіх ДТЗ не стала менш, а, наадварот, адзначаецца іх рост, хоць і нязначны. Адначасова можна ўпэўнена казаць аб штогадовым росце колькасці пацярпелых у такіх ДТЗ удзельнікаў дарожнага руху — кіроўцаў і пасажыраў транспартных сродкаў.


Дзяржаўная інспекцыя аховы жывёльнага і расліннага свету вядзе рэгістрацыю (улік) паведамленняў аб фактах ДТЗ з удзелам паляўнічых жывёл нарміраваных відаў, абагульняе, аналізуе і дае гэтую інфармацыю дзяржаўныя органы і арганізацыі.

Летась зарэгістраваны 3021 факт ДТЗ з удзелам паляўнічых жывёл (на 43 факты, або 1,4 працэнта, больш, чым у 2021 годзе), у выніку якіх загінула (траўміравана) 3080 жывёл (на 27 асобін, або 0,9 працэнта, больш, чым у 2021 годзе). У большасці выпадкаў фіксаваліся факты гібелі ў выніку ДТЗ казулі — 1992 асобіны (на 85 асобін, або 4,5 працэнта, больш, чым у 2021-м, і лася — 850 асобін (на 28 асобін, або 3,2 працэнта, менш, чым у 2021 годзе).

Акрамя таго, у выніку ДТЗ у 2022 годзе загінула (траўміравана) 142 дзіка, 86 высакародных аленяў, па пяць лані і бабра. У 2022 годзе фактаў гібелі ў выніку ДТЗ іншых відаў паляўнічых жывёл, якія нарміруюцца, не зафіксавана (у 2021 годзе ў выніку ДТЗ загінулі тры плямістях алені і адна выдра).

Як сведчыць статыстыка, найбольшую небяспеку для ўдзельнікаў дарожнага руху — кіроўцаў і пасажыраў транспартных сродкаў — уяўляюць буйныя капытныя жывёлы, такія як ласі і высакародныя алені. Сутыкненні з такімі жывёламі, як правіла, заканчваюцца значнымі пашкоджаннямі аўтамабіляў, нярэдка прыводзяць да сур’ёзных траўм і нават гібелі людзей.

Па-ранейшаму найбольш няшчаснымі ў адносінах да ДТЗ з удзелам дзікіх капытных жывёл з’яўляюцца рэспубліканскія аўтамабільныя дарогі: М6 (Е30) Мінск — Гродна — граніца Рэспублікі Польшча (Брузгі), М2 Мінск — Нацыянальны аэрапорт Мінск, М1 (Е30) Брэст (Казловічы) — Мінск — граніца Расійскай Федэрацыі, М4 Мінск — Магілёў, М5 Мінск — Гомель, М8 (Е95) граніца Расійскай Федэрацыі (Езярышча) — Віцебск — Гомель — граніца Украіны (Новая Гута).

Сяргей РАСОЛЬКА

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.