Вы тут

Праект «Яе свет, яе правілы» паказвае спартыўны рэзерв


Беларускія дзяўчынкі даказваюць, што ў іх баскетбольным свеце — іх правілы. У рамках рэалізацыі праекта ФІБА Еўропа «Яе свет, яе правілы» вучаніцы СДЮШАР баскетбольнага клуба «Гарызонт» паказалі свае здольнасці ў конкурсе баскетбольнага майстэрства. Дзяўчынкі 2011-2012 гадоў нараджэння прадэманстравалі, як яны ўмеюць валодаць мячом, якія баскетбольныя прыёмы ведаюць і як арыентуюцца на пляцоўцы. Задача надзвычай важная, паколькі гэта не проста конкурс, а прагляд перспектыўных гульцоў у Рэспубліканскае вучылішча алімпійскага рэзерва. А там і да нацыянальных зборных рукой падаць.


За будучым беларускага баскетбола назірала Марына Крэс, былы гулец нацыянальнай зборнай, менеджар БК «Гарызонт». Вядомыя баскетбалісткі часта наведваюць такія мерапрыемствы. Часты ганаровы госць — галоўны трэнер жаночай зборнай і БК «Гарызонт» Наталля Трафімава. Гэта карысна для ўсіх. Вопытным гульцам і трэнерам важна пазнаёміцца з маладым пакаленнем. А моладзі неабходна ўжывую бачыць сваіх куміраў і браць з іх прыклад.

«Гэта незвычайны конкурс. Я не чакала, што набяру штрафных, таму што раней была снайперам, я адной рукой кідала і закідвала мяч у кальцо. А сёння не атрымлівалася, я пачала хвалявацца і баялася, што ў мяне нічога не атрымаецца. Я рада, што прыехала сюды з камандай, яна заўсёды падтрымлівае. І хачу сказаць дзякуй трэнеру за тое, што шмат чаму мяне навучыў. Я люблю даваць перадачы, і я радуюся за іншых гульцоў, калі яны закідваюць», — падзялілася Мелання Пятровіч, удзельніца конкурса.

Пераможцай конкурсу баскетбольнага майстэрства стала Уладзіслава Тагакава. На другім месцы — Соф’я Гарохова. На трэцім — Кіра Далматовіч. Як заўважыла генеральны сакратар-выканаўчы дырэктар Беларускай федэрацыі баскетбола Настасся Марыніна, напярэдадні міжнароднага жаночага дня на пляцоўцы было шмат прыгажосці ад дзяўчат, якім усё па плячы. «Нашы дзяўчынкі мала таго, што спартсменкі, дык яшчэ і добра вучацца і абяцалі абавязкова стаць алімпійскімі чэмпіёнкамі. Гэтым праектам мы даем старт падбору рэзерву для нацыянальнай каманды новага цыкла. Гэта дзяўчынкі 2011-2012 года нараджэння. Мы пачынаем прагляд кандыдатаў на залічэнне ў вучылішча алімпійскага рэзерву. Самыя таленавітыя дзяўчынкі ўжо патрапілі на аловак, да іх будзе асобная ўвага. Гэта наша будучыня». — падкрэсліла яна.

Па словах Настассі Марынінай, у такіх праектаў як «Яе свет, яе правілы» дзве мэты — сацыяльная і спартыўная. Зразумела, што ўсе не трапяць у нацыянальную зборную. Але яны атрымаюць самае каштоўнае — вопыт і веды. «Вясной пачынаецца праект „Крок у будучыню“, мы будзем адглядаць гульцоў, самыя таленавітыя з якіх патрапяць у вучылішча алімпійскага рэзерву. А астатнія вырастуць добрымі, актыўнымі людзьмі і будуць працаваць спартыўнымі мэнэджэрамі, журналістамі, дактарамі і будуць гэтак жа развіваць свой любімы спорт» 

Валерыя СЦЯЦКО

Фота Лізаветы ГОЛАД

Выбар рэдакцыі

Грамадства

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.