Вы тут

Як мы глядзелі тэлевізар у лютым. Дадзеныя медыявымяральніка


У апошні месяц зімы амаль на шэсць працэнтаў знізіўся сярэднясутачны рэйтынг тэлебачання ў параўнанні са студзенем. На два працэнты сціснуўся сярэднясутачны ахоп аўдыторыі, амаль на шэсць працэнтаў сярэднясутачны час глядзення ТБ сярод насельніцтва.


Фота: pixabay.com

Максімальны аб’ём аўдыторыі па-ранейшаму рэгістраваўся з 17.30 да 23 і ў выхадныя дні, і ў будныя. Па суботах і нядзелях глядацкая актыўнасць у параўнанні з іншымі днямі была вышэй пасля 8.30 і да канца дня, ніжэй на досвітку. Традыцыйна доля жанчын сярод тэлегледачоў большая, чым доля мужчын. Змяненні колькасці тэлегледачоў ва ўзроставых групах былі нязначнымі.

Не змяніўся і топ-пяць запатрабаваных жанраў: кіно, забаўляльныя праграмы, навіны, пазнавальныя праграмы, музыка. Па-ранейшаму попыт на фільмы і сацыяльна-палітычныя праграмы перавышаў прапанову, да гэтага пераліку дабавіўся спорт, а вось з навінамі адбылася адваротная карціна прапанова на іх у лютым перавысіла запыт.

У тэлеканалаў МІР і СТБ трошкі падрос сярэднясутачны рэйтынг, павялічылася сярэднясутачная доля (тое ж у «НТБ-Беларусь») і павялічыўся сярэдні час глядзення сярод гледачоў. Апошні паказчык яшчэ лепшы ў БелМузТБ.

Топ-15 праграм узначаліў эфір «Прывітанне, Андрэй!» з акцёрамі серыяла «Скліфасоўскі» ад 11 лютага, за ім «Песні ад усёй душы» ад 5 лютага і «Весткі тыдня» ад 19-га. Усе названыя перадачы належаць «РТР-Беларусь». На чацвёртай пазіцыі «Поле цудаў» АНТ ад 10 лютага, на пятай і шостай «Вынікі тыдня з Ірадай Зейналавай» (5.02) і «Цэнтральнае тэлебачанне» (11.02) «НТБ-Беларусь».

На тэлеканале «Беларусь 1» самай рэйтынгавай перадачай за ўвесь месяц стала тэлеверсія інтэрв’ю Прэзідэнта Беларусі Аляксандра Лукашэнкі беларускім і замежным СМІ, якая была паказана ўвечары 18 лютага. На тэлеканале МІР у лідарах нядзельны вечаровы паказ серыяла «Спакуса» 19 лютага.

Даныя справаздачы па тэлеглядзенні дала кампанія «МедыяВымяральнік».

Вольга МЯДЗВЕДЗЕВА

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.