Вы тут

Камандзіроўка Лукашэнкі на Блізкі Усход і поўдзень Афрыкі завершана


Камандзіроўка Прэзідэнта Беларусі Аляксандра Лукашэнкі на Блізкі Усход і поўдзень Афрыкі завершана, паведамляе БелТА.


У аэрапорце Абу-Дабі кіраўніка дзяржавы праводзіў віцэ-прэм’ер, міністр унутраных спраў Шэйх Сейф Бен Заід аль-Нахаян.

Як паведамлялася, падчас візіту ў ААЭ Аляксандр Лукашэнка сустрэўся з Прэзідэнтам гэтай краіны шэйхам Мухамедам Бен Заідам аль-Нахаянам. Лідары дамовіліся аб супрацоўніцтве па больш чым дзясятку напрамкаў: у сферы гандлёва-эканамічнага і інвестыцыйнага ўзаемадзеяння. Акцэнт зроблены і на гуманітарную сферу. Згодна з дамоўленасцямі, у бліжэйшы час у Беларусь прыбудзе вялікая дэлегацыя спецыялістаў, якія на месцы адпрацуюць канкрэтныя пытанні па пазначаных напрамках узаемадзеяння.

Да гэтага Прэзідэнт наведаў з дзяржаўным візітам Зімбабвэ на поўдні Афрыкі, дзе правёў перамовы з лідарам гэтай краіны Эмерсанам Мнангагвай. Падпісаны шэраг важных двухбаковых дамоўленасцяў, у тым ліку па выніках беларуска-зімбабвійскага бізнес-форуму, які прайшоў у сталічным Харарэ. Кіраўнікі дзяржаў прынялі ўдзел у цырымоніі перадачы беларускай тэхнікі мясцовым аграрыям і далі старт рэалізацыі чарговага этапу праграмы механізацыі сельскай гаспадаркі Зімбабвэ. «Без Афрыкі не можа быць перспектывы ў свеце наогул. Тут рэсурсы, тут людзі з кожным годам становяцца ўсё больш адукаванымі, сюды ідуць найноўшыя тэхналогіі. Без Афрыкі свет развівацца не можа, — заявіў беларускі лідар. — Без яе не можа быць ніякага планетарнага развіцця. Таму тут усё моцныя гэтага свету: і ЗША, і Кітай, і Расiя, і Вялікабрытанія, увесь Еўрапейскі саюз і гэтак далей. Будучыня за Афрыкай».

«Вы павінны ведаць, што там, у цэнтры Еўропы, ёсць такая краіна — Беларусь, якая заўсёды гатовая падставіць вам плячо ў любой сітуацыі, — падкрэсліў Аляксандр Лукашэнка. — Мы вынікі гэтага візіту пакладзем на шалі вагаў свету і прагрэсу».

Фота: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.