Вы тут

Кнігу ВД «Звязда» пра жонку Якуба Коласа прэзентавалі ў Доме кнігі «Светач»


12 студзеня ў Мінску ў «Доме кнігі «Светач» адбылася прэзентацыя кнігі аб Марыі Каменскай, жонцы Якуба Коласа, «Табой я жыў, табой жыву...», якая выйшла ў свет у выдавецкім доме «Звязда».


У творы сабраны ўспаміны блізкіх, сваякоў, фрагменты сямейнай перапіскі, дакументы, а таксама рэдкія фатаграфіі.

Кнігу прадставілі аўтары-складальнікі — унучка і праўнучка класіка: навуковы супрацоўнік Цэнтра даследаванняў беларускай культуры, мовы і літаратуры Нацыянальнай акадэміі навук Беларусі Вера Міцкевіч, галоўны захавальнік фондаў Дзяржаўнага літаратурна-мемарыяльнага музея Якуба Коласа Васіліна Міцкевіч.

— Па адукацыі я сацыёлаг, кандыдат сацыялагічных навук, выкладала ў Беларускім дзяржаўным універсітэце. Больш за адзінаццаць гадоў таму назад памяняла працу. Праца ў музеі — гэта мой усвядомлены выбар, падтрыманы маімі роднымі: займацца захаваннем спадчыны класіка беларускай літаратуры, народнага паэта Беларусі Якуба Коласа. Штодня працуючы з рукапісамі, дакументамі, фатаграфіямі, чытаючы ўспаміны сучаснікаў Песняра — складана перадаць свае пачуцці і эмоцыі да патаемнага, блізкаму да сэрца — спадчыне майго прадзеда. Аснову нашай кнігі склалі дакументы з фондаў музея, у якіх захоўваюцца яшчэ нямала дакументаў, дзе раскрываюць глыбіню асобы Якуба Коласа, — распавяла Васіліна Міцкевіч.

— Праца над кнігай у нас заняла прыкладна паўгода. У кнізе, якую мы прадстаўлялі сёння, чытачы маюць магчымасць упершыню азнаёміцца з дакументамі з сямейнага архіва і фондаў музея, — адзначыла Вера Міцкевіч. — Мы ўдзячныя выдавецкаму дому «Звязда» за падтрымку і рэалізацыю нашага сённяшняга выдання, спадзяемся і на сумесную працу над новымі праектамі ў будучым.

У мерапрыемстве прынялі ўдзел навучэнцы дзяржаўнай установы адукацыі «Мінскі гарадскі педагагічны каледж».

Віктар ІВАНЧЫКАЎ

Фота аўтара

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.